ۆەدومستۆونىڭ مالىمەتىنشە, فەرمالار جۇمىستى تولىعىمەن توقتاتىپ, جابدىقتى بولشەكتەپ, ونى ورنالاسقان جەرىنەن شىعارعان.
ء«وز قىزمەتىن توقتاتقان ماينينگتىك كومپانيالاردىڭ اراسىندا پاۆلودار وبلىسىندا تانىمال كاسىپكەرلەر بولات نازارباەۆ پەن الەكساندر كلەبانوۆپەن ۇلەستەس فيرمالار بار. سونداي-اق «QazaqGaz» ۇق» اق-نىڭ اقتوبە وبلىسىنداعى بۇرىنعى باسقارما توراعاسى قايرات شارىپباەۆ جانە قاراعاندى وبلىسىنداعى تانىمال بيزنەسمەندەردىڭ ءبىرى ەرلان نىعماتۋلين دە بار», دەلىنگەن حابارلامادا.
سونداي-اق قما تاعى 51 تاۋ-كەن فەرماسى زاڭسىز جۇمىس ىستەگەنىن ايتتى.
ۆەدومستۆو مالىمدەگەندەي, ولاردىڭ اراسىندا بيزنەسمەن قايرات يتەمگەنوۆپەن جانە ءىىم دەپارتامەنتىنىڭ ەكس-باسشىسى تىلەگەن ماتكەنوۆپەن ۇلەستەس فيرمالار بار.
ولار قىزمەتتىڭ باستالعانى تۋرالى ۋاكىلەتتى ورگانعا حابارلاماي, تەحنيكالىق شارتتارسىز ەنەرگيامەن جابدىقتاۋ كوزدەرىنە زاڭسىز قوسىلىپ, ارنايى ەكونوميكالىق ايماقتاردىڭ اۋماعىنا نەگىزسىز ورنالاستىرىلدى, سونداي-اق سالىقتار مەن كەدەندىك تولەمدەردى تولەۋدەن جالتارعان.
