قۇجاتقا سايكەس, «جاسىل» جانە «سارى» ايماقتارداعى ەپيدەميولوگيالىق جاعدايدى باعالاۋ ماتريتساسىنا سايكەس وڭىرلەردە, مەنشىكتىڭ بارلىق نىساندارى مەن ۆەدومستۆولىق باعىنىستاعى ءبىلىم بەرۋ ۇيىمدارىندا كەلەسى تالاپتاردىڭ كۇشى جويىلسىن:
1) الەۋمەتتىك قاشىقتىقتى مىندەتتى تۇردە ساقتاۋعا;
2) كۇندەلىكتى «كىرۋ» سۇزگىسىنە (بايلانىسسىز تەرمومەترمەن تەرمومەتريا).
Ashyq ءموبيلدى قوسىمشاسىن پايدالانۋ, الەۋمەتتىك قاشىقتىقتى ساقتاۋ جانە تەرمومەتريانى جۇرگىزۋ ءبىلىم بەرۋ ۇيىمدارى اكىمشىلىگىنىڭ شەشىمى بويىنشا ەرىكتى تۇردە جۇزەگە اسىرىلۋى مۇمكىن.
سونداي-اق ەپيدەميولوگيالىق جاعدايدى باعالاۋ ماتريتساسىنا سايكەس ءوڭىردىڭ «قىزىل» ايماققا ءوتۋى كەزىندە مەنشىكتىڭ بارلىق نىساندارى مەن ۆەدومستۆولىق تيەسىلىلىكتىڭ ءبىلىم بەرۋ ۇيىمدارىندا Ashyq قوسىمشاسىن مىندەتتى پايدالانۋ, الەۋمەتتىك قاشىقتىقتى ساقتاۋ جانە كۇندەلىكتى «كىرۋ» سۇزگىسىن (بايلانىسسىز تەرمومەترمەن تەرمومەتريا) جۇرگىزۋ قامتاماسىز ەتىلەدى.
