ءوز كەزەگىندە قايرات قوجامجاروۆ وتاندىق دزيۋدو قاۋىمداستىعىنا العىسىن ءبىلدىردى. «دزيۋدو فەدەراتسياسىنىڭ پرەزيدەنتى وكىلەتتىگىن مەرزىمىنەن بۇرىن توقتاتۋىما بايلانىستى بارلىق قازاقستاندىق دزيۋدوشىلارعا, جاتتىقتىرۋشىلارعا, فەدەراتسيا مەنەدجەرلەرىنە, دزيۋدو دەپ اتالاتىن ۇلكەن وتباسىمىزعا شىنايى العىسىمدى بىلدىرەمىن! سىزدەرمەن بىرگە جۇمىس ىستەگەن قىسقا مەرزىم ىشىندە جوعارى كاسىبيلىكتىڭ جانە جاتتىقتىرۋشىلار مەن سپورتشىلاردىڭ كۇش-جىگەرىنىڭ ارقاسىندا جوعارى جەتىستىكتەرگە قول جەتكىزىلدى. حالىقارالىق تۋرنيرلەردە 400-دەن استام مەدال جەڭىپ الدىق. 2019 جىلى 16 سالماق دارەجەسىندە الەمنىڭ 61 ەلىنەن 462 سپورتشىنىڭ قاتىسۋىمەن ۇلدار مەن قىزدار اراسىندا الەم چەمپيوناتى ءساتتى ءوتتى.
2021 جىلدىڭ قورىتىندىسىمەن مەدالدار سانى بويىنشا قازاقستان IJF حالىقارالىق رەيتينگىندە 5-ورىن يەلەندى. 2021 جىلى ءبىزدىڭ ەلدوس سمەتوۆ توكيو-2020 XXXII جازعى وليمپيادا ويىندارىنىڭ قولا جۇلدەگەرى اتاندى. سىزدەرگە بىرلەسكەن تابىستارىمىز ءۇشىن شىن جۇرەكتەن العىسىمدى بىلدىرەمىن! سىزدەرگە جاڭا جەتىستىكتەر مەن جەڭىستەر تىلەيمىن!», - دەدى ول.
قايرات قوجامجاروۆ 2018 جىلدىڭ 23 قازانىنان باستاپ قازاقستان دزيۋدو فەدەراتسياسىنىڭ پرەزيدەنتى قىزمەتىن اتقارىپ كەلدى. فەدەراتسيانىڭ جاڭا پرەزيدەنتى ارنايى كونفەرەنتسيادا سايلاناتىن بولادى.
