«قازاۆتوجول» ۇلتتىق كومپانياسى» اكتسيونەرلىك قوعامىنىڭ ءباسپاسوز قىزمەتىنىڭ مالىمەتى بويىنشا, كۇن رايىنىڭ كۇرت ناشارلاۋىنا بايلانىستى ەلىمىزدىڭ بىرنەشە ايماعىندا كولىكتىڭ بارلىق تۇرلەرى ءۇشىن قوزعالىس شەكتەلدى.
اقمولا وبلىسى:
11 ناۋرىز ساعات 13.00-دە «جەزقازعان – پەتروپاۆل» اۆتوجولىنىڭ 377-440 شاقىرىم ارالىعى
اقتوبە وبلىسى:
11 ناۋرىز ساعات 11.00-دە «سامارا-شىمكەنت», 776-1240 شاقىرىم ارالىعى. 11 ناۋرىز ساعات 13.00-دە «قارابۇتاق-كومسومولسكوە-دەنيسوۆكا-رۋدنىي-قوستاناي» ا/ج جۇك جانە اۆتوكولىكتىڭ قوعامدىق تۇرلەرى ءۇشىن 0-234 شاقىرىمدار ارالىعى.
بقو:
11 ناۋرىز ساعات 13.00-دە قوستاناي وبلىسىندا اۋا رايىنىڭ ناشارلاۋىنا بايلانىستى «جەزقازعان-پەتروپاۆل» ا/ج 137-252 شاقىرىمدار ارالىعى.
قوستاناي وبلىسى: 11 ناۋرىز ساعات 13.00-دە اۋا رايى كۇرت بۇزىلىپ, بوراننىڭ كۇتىلۋىنە بايلانىستى اۆتوكولىكتەردىڭ بارلىق تۇرلەرى ءۇشىن ا/ج قوزعالىسىنا شەكتەۋ ەنگىزىلدى:
- «جەزقازعان-پەتروپاۆل» 252-377 شاقىرىم ارالىعى.
- «قارابۇتاق-كومسومولسكوە-دەنيسوۆكا-رۋدنىي-قوستاناي» 234-262 شاقىرىم ارالىعى.
قىزىلوردا وبلىسى:
11 ناۋرىز ساعات 11.00-دە (ەلوردا ۋاقىتى بويىنشا) اۋا رايىنىڭ ناشارلاۋىنا بايلانىستى «سامارا-شىمكەنت» تاس جولىنىڭ 1240-1357 شاقىرىمىندا اۆتوكولىكتىڭ بارلىق تۇرلەرى ءۇشىن قوزعالىس شەكتەلدى.
«ازاماتتاردى اۋا-رايى بولجامىن ءجىتى باقىلاپ, الىس ساپارعا شىقپاۋعا شاقىرامىز. شتاتتان تىس جاعداي تۋىنداسا, جۇرگىزۋشىلەر مەن جولاۋشىلار 1403 ءنومىرى بويىنشا قازاۆتوجول ۇك اق-نىڭ تاۋلىك بويى جۇمىس جاسايتىن call-ورتالىعىنا حابارلاسۋى قاجەت», دەپ جازىلعان رەسمي مالىمەتتە.
