وڭىرلىك بولىنىستە مۇناي ءوندىرۋدىڭ ەڭ ۇلكەن كولەمى ءداستۇرلى تۇردە اتىراۋ وبلىسىنا تيەسىلى: 4,6 ملن توننا, پليۋس 23,4%. كوشباسشىلار ۇشتىگىنە سونداي-اق ماڭعىستاۋ (1,4 ملن توننا, جىلىنا 0,5%) جانە اقتوبە (395,5 مىڭ توننا) وبلىستارى كىردى.
وڭىرلەردە «نورت كاسپيان وپەرەيتينگ كومپاني ن. ۆ.» فيليالى, «تەڭىزشەۆرويل» جشس, «ەمبىمۇنايگاز» اق (اتىراۋ وبلىسى), «قاراجانباسمۇناي» اق, «ماڭعىستاۋمۇنايگاز» اق, «قاراقۇدىقمۇناي» جشس (ماڭعىستاۋ وبلىسى) جانە باسقا دا كومپانيالار جۇمىس ىستەيدى. جالپى, 2021 جىلدىڭ قاڭتار–جەلتوقسان ايلارىندا كاسىپورىندار 73,7 ملن توننا شيكى مۇناي ءوندىردى — بۇل وتكەن جىلدىڭ سايكەس كەزەڭىمەن سالىستىرعاندا 1%-عا كوپ.
2021 جىلدىڭ قاڭتار-جەلتوقسان ايلارىندا قازاقستان 31,1 ملرد اقش دوللارىن قۇرايتىن 65,7 ملن توننا شيكى مۇنايدى ەكسپورتقا جىبەردى. تمد ەلدەرىنە 54,6 ملن اقش دوللار سوماسىنا 131,6 مىڭ توننا شيكى مۇناي جىبەرىلدى. بۇل كولەمدى رەسەي مەن وزبەكستان ءبولىپ العان.
قازاقستان تمد-عا كىرمەيتىن ەلدەرگە 31 ملرد اقش دوللار سوماسىندا 65,6 ملن توننا شيكى مۇناي ەكسپورتتاعان. ونىڭ باسىم بولىگى ادەتتەگىدەي يتالياعا جىبەرىلگەن: (17,9 ملن توننا). ودان كەيىن نيدەرلاندى, فرانتسيا, قىتاي مەن تۇركيا تۇر. Investfunds مالىمەتىنشە, مۇناي باررەلى 2022 جىلدىڭ 4 ناۋرىزىندا 118,1 اقش دوللارىن قۇراعان. ءبىر كۇندە باررەل قۇنى 6,9%-عا, ءبىر ايدا 32%-عا, ءۇش ايدا 69%-عا, ءبىر جىلدا 77%-عا ءوستى.
