قر قارجىلىق مونيتورينگ اگەنتتىگى جامبىل وبلىسى بويىنشا اۋماقتىق دەپارتامەنتىنىڭ قىزمەتكەرلەرى قر ۇلتتىق قاۋىپسىزدىك كوميتەتى قر ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ قىزمەتكەرلەرىمەن بىرلەسىپ جەدەل-ىزدەستىرۋ ءىس-شارالارىن جۇرگىزۋ باراسىندا ەكى زاڭسىز ماينينگ فەرمالارىن انىقتادى. ولاردىڭ بىرەۋى تەحنيكالىق جوندەۋ ورتالىعىنىڭ عيماراتىندا ۇيىمداستىرىلعان جانە ەلەكترمەن جابدىقتاۋ جەلىلەرىنە تەحنولوگيالىق بايلانىستى ساقتاماي قوسىلعان.
ء«تىنتۋ ءىس-شارالارىن جۇرگىزۋ بارىسىندا كريپتوۆاليۋتالاردى وندىرۋگە ارنالعان 80-نەن استام جابدىق تابىلىپ, تاركىلەندى. قۇقىققا قايشى قىزمەتتى جۇزەگە اسىرۋدان تۇسكەن كىرىس سوماسى 30 ملن تەڭگەدەن استام قارجىنى قۇرايدى. ەكىنشى فەرما جشس اۋماعىندا ورنالاسقان, باسشىسى شەتەل ازاماتى. ەكىنشى فەرمانىڭ كىرىس سوماسى 60 ملن تەڭگەدەن استام قارجىنى قۇرايدى.
قازىرگى ۋاقىتتا, قر قك-ءنىڭ 214-بابى (زاڭسىز كاسىپكەرلىك قىزمەت) بويىنشا سوتقا دەيىنگى تەرگەۋ امالدارى جۇرگىزىلۋدە. قر قپك-ءنىڭ 201-بابىنا سايكەس وزگە اقپارات جاريا ەتۋگە جاتپايدى», دەلىنگەن قارجىلىق مونيتورينگ اگەنتتىگىنىڭ مالىمەتىندە.
