الەم • 11 ناۋرىز، 2022

جاعداي باقىلاۋدا بولۋعا ءتيىس

40 رەت كورسەتىلدى

الەمدەگى احۋالعا بايلانىستى پاندەميا، ۆيرۋس تاقىرىبى كوپتى بۇرىنعىداي ۇركىتپەيتىندەي كورىنەدى. ادامزات بالاسى رەسەيگە سالىنعان سانكتسيالار ءتىزىمىن اڭدىپ جۇرگەندە كوروناۆيرۋس تا تىنىش جاتپادى. ازيا ەلىنىڭ بىرقاتارىندا، سونىمەن قوسا ەۋروپادا ۆيرۋس جۇقتىرۋ دەڭگەيى قايتا جوعارىلاعانى ءمالىم بولدى.

ماسەلەن، بىرنەشە اي بويى بىردە-ءبىر ۆيرۋس جۇقتىرۋ دەرەگىن تىركەمەي كەلە جاتقان گونكونگ سوڭعى كۇندەرى ۆيرۋستان قايتىس بولعاندار سانىنىڭ ارتقانىن حابارلادى. ەلدەگى دارىگەرلەر بۇعان جاسى ۇلكەن ازاماتتار ارا­سىن­داعى ۆاكتسينا سالدىرۋ دەڭ­گە­يى­نىڭ تومەندىگى سەبەپ ەكەنىن العا تارتادى.

بەسىنشى تولقىندا تىركەلگەن 2 365 قايتىس بولعان ازاماتتىڭ 87 پايىزى 60 جاستان اسقاندار. مارقۇمداردىڭ 90 پايىزى ۆاكتسينا سالدىرماعان ەكەن.

ەندى ۇكىمەت كەلەسى ايدان باستاپ ءۇش كەزەڭنەن تۇراتىن تەس­تى­لەۋ جۇيەسى ەنگىزىلەتىنىن حا­بار­­لادى. مۇنداي قاتال ەرەجە ءبىر كۇندە 8 674 ۆيرۋس جۇق­تى­رۋ انىقتالعاننان كەيىن قا­ب­ى­لدانىپ وتىر. جەرگىلىكتى دارى­گەرلەردىڭ شاماسى جەتپەي، ەندى­گى كەزەكتە كومەككە قىتايلىق دا­رىگەرلەر مەن مەيىرگەرلەردى شا­قىر­تۋ دا جوسپارلانعان.

ال ۋكراينا ازاماتتارى اعىل­عان ەۋروپا دا جاڭا شارالار قابىلداۋعا ءماجبۇر. ويتكەنى ەۋروپالىق وداق مەملەكەتتەرى اراسىندا كوشى-قونعا رۇقسات بەرىپ، بوسقىنداردى قابىلداۋعا دايىندىعىن بىلدىرگەن-ءدى. كەشە اۋستريا ۇكىمەتى مىندەتتى ۆاك­تسي­­نالاۋ ناۋقانىن كەيىنگە شە­گەرە تۇراتىنىن حابارلادى. كونستيتۋتسيا ماسەلەلەرى بو­­يىنشا مينيستر كارولينە ەدت­شتادلەر ساراپشىلار كوميس­سياسى بۇل شەشىمدى قايتا قا­راي­تىنىن، سونىمەن قاتار «وميكرون» سىندى ۆيرۋستىڭ جە­ڭىل شتامى كەزىندە ۆاكتسيناعا قا­جەت­تىلىك جوعىن ايتتى.

فرانتسيا ۇكىمەتى دە 14 ناۋ­­رىزدان باستاپ قوعامدىق كولىك­تەر­دەن باسقا جەردە بەتپەردە تاعۋ مىندەتتەمەسىن الىپ تاستايتىنىن حابارلادى. سونىمەن قا­تار قوعامدىق ورىندارعا كىرۋ ءۇشىن تالاپ ەتىلەتىن ۆاكتسي­نا پاسپورتىنا قاتىستى دا جەڭىلدىكتەر ەنگىزىلگەنى ءمالىم بولدى. جاڭا­لىق­تاردى ۇكىمەت باسشىسى جان كاستەكس حابارلادى. ونىڭ ايتۋىنشا، ەلدەگى ەپيدەميالىق احۋال قالىپتى. ازىرگە ءبىر كۇندە ورتا ەسەپپەن 50 مىڭعا جۋىق ۆيرۋس جۇقتىرۋ دەرەگى تىركەلۋدە.

بۇعان دەيىن اقپاننىڭ ايا­عىن­دا ەلدەر اراسىندا قاتىناۋ ءۇشىن تەست تاپسىرۋ قاجەتتىلىگى الىنىپ تاستالعانى حابارلانعان-دى. وداقتاعى 27 ەلدىڭ وكىلدەرى بۇل شەشىمدى ايماقتاعى ءتۋريزمدى جان­داندىرۋ ءۇشىن قابىلداعانىن ايتقان ەدى.

ددسۇ توتەنشە جاعدايلار بويىنشا ديرەكتورى رەسەي مەن ۋكراينا اراسىنداعى ماسەلە جاعدايدى قيىنداتا ءتۇسۋى مۇمكىن دەگەن بولجام ايتادى. «ادامدار قازىر كىشىگىرىم ورىنداردا كوپ شوعىرلانعان، تاماقتانۋى دا دۇرىس ەمەس، ۇرەيدەن جاقسى ۇيىقتامايدى دا. بۇل ادام دەنساۋلىعىنا، اعزاسىنا تەرىس اسەر ەتەدى. سوندىقتان الداعى ۋاقىتتا ۆيرۋس جۇقتىرۋ دەرەگى ارتۋى مۇمكىن»، دەدى ول.

ددسۇ مالىمەتىنە سۇيەنسەك، وتكەن اپتادا ۋكراينادا 40 265 ۆيرۋس جۇقتىرۋ دەرەگى تىركەلگەن، 758 ادام قايتىس بولعان.

ۇيىمنىڭ توتەنشە جاعدايلار بويىنشا اعا كوميسسارى كەترين سمولۋد ەلدەگى اسكەري، ساياسي جاع­داي سالدارىنان كوروناۆيرۋس ماسەلەسى كولەڭكەدە قالىپ قويعانىن العا تارتادى. «مۇنداي جاعدايدا ەلدىڭ ۆيرۋسقا ءمان بەرمەۋى قالىپتى. جەرتولە، مەترولاردا بوي تاسالاپ وتىرعان حالىقتىڭ مەديتسينالىق كومەككە جۇگىنبەۋى دە تۇسىنىكتى جاعداي. ءتىپتى كومەككە جۇگىنگەن كۇننىڭ وزىندە بىزگە جەتكەن دەرەك بويىنشا دارىگەرلەردىڭ وزدەرى جۇمىس ورىندارىنا جەتە الماي جاتقان كورىنەدى. بۇل جەردە جەكە باستىڭ قاۋىپسىزدىگى العا شىعادى»، دەدى ول.

سونىمەن قاتار مەديتسينالىق ورتالىقتار مەن اۋرۋحانالارعا دا شابۋىل جاسالدى. بۇگىن عانا پەرزەنتحانا مەن بالالار اۋرۋحاناسىنا شابۋىل جاسالعانى ءمالىم بولدى. ددسۇ-نىڭ ەۋروپا بويىنشا ديرەكتورى حانس كليۋگە ءۇش ءىرى وتتەگى زاۋىتى جابىلۋىنا بايلانىستى ايماقتا وتتەگى كونتسەنتراتتارىنا تاپشىلىق پايدا بولعانىن حابارلادى. وسى رەتتە حالىقارالىق ۇيىم ۋكرايناعا 500 وتتەگى كونتسەنتراتىن جىبەرە­ت­ىنىن مالىمدەدى. سونىمەن بىرگە ەۋروپا ەلدەرىنىڭ باسشىلارىن ەلگە باعىت العان بوسقىندارعا جاعداي جاساپ، مەديتسينالىق كومەك كورسەتۋىن سۇرادى. ال ۆيرۋسپەن كۇرەسۋگە قاجەت قۇرالدار بولماعان جاعدايدا ۆيرۋستان كوز جۇمعاندار سانى ءالى دە ارتاتىنىن ەسكەرتتى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ۇقساس جاڭالىقتار