ءاديا شىعارماشىلىق بايقاۋعا «قىسقى ەرتەگى» دەپ اتالاتىن سۋرەتتەر توپتاماسىن جىبەرىپتى.
– قازىلار القاسى جۇزدەگەن تۋىندىنىڭ ىشىنەن مەنىڭ سۋرەتتەرىمدى تاڭداپ الىپ, ءبىرىنشى ورىنعا لايىق دەپ تانىپتى. بۇل ۇستازىم, سۋرەت ءپانىنىڭ مۇعالىمى ءلايلا وسپانوۆا اپايىم ەكەۋمىزدىڭ ورتاق جەڭىسىمىز دەپ بىلەمىن, – دەيدى جاس سۋرەتشى.
ءاديانىڭ مەكتەپ ىشىنەن اشىلعان شىعارماشىلىق ورتالىققا بارىپ جۇرگەنىنە كوپ بولا قويعان جوق. بۇعان دەيىن ءتورت جىلداي بيمەن اينالىستى. وسىدان ءبىراز جىل بۇرىن وقۋشىلاردىڭ «سالتانات» بي ءانسامبلىنىڭ قۇرامىندا ءجۇرىپ قازاقستاننىڭ ەڭبەك سىڭىرگەن ءارتىسى مايرا ءىلياسوۆانىڭ جەتەكشىلىگىمەن وتكەن «جۇلدىز بولعىڭ كەلە مە؟» اتتى رەسپۋبليكالىق بالالار بايقاۋىندا ءبىرىنشى ورىندى جەڭىپ العانى بار. الايدا ۋاقىتتىڭ تىعىزدىعىنا بايلانىستى بي ۇيىرمەسىمەن قوش ايتىسىپ, بىلتىر 1 قىركۇيەكتەن بەرى كوركەمسۋرەت ۇيىرمەسىنە بارىپ ءجۇر.
– ءوزىنىڭ سۋرەتكە اۋەلدەن قابىلەتى بار. ءبىرىنشى سىنىپتان باستاپ-اق نەشە ءتۇرلى مۋلتفيلم كەيىپكەرلەرىنىڭ سۋرەتىن سالۋدى ۇناتاتىن. بالانىڭ ىڭعايىن بايقاعان سوڭ, سۋرەت ۇيىرمەسىنە بارىپ, مۇعالىمى ءلايلا تەمىربەكقىزىنىڭ قولىنا تابىس ەتتىم. سودان قالمايدى. بالا بولعان سوڭ اندا-ساندا تۇماۋراتىپ, سىرقاتتانىپ قالادى. ونداي كەزدەردە ساباققا بارماسا دا, سۋرەتكە بارىپ كەلەدى, – دەدى ءاديانىڭ اكەسى ەرلان ەسىمحانوۆ.
قوستاناي وبلىسى
