فوتو: Polisia.kz
ايتا كەتەيىك, 28 گۆاردياشى-پانفيلوۆشىلار اتىنداعى ساياباقتا باتىرلار اللەياسىنىڭ تۇعىرىنان ەكى ءارىپ پەن 13 ماڭدايشانىڭ ۇرلانعانى تۋرالى ارىز پوليتسياعا 4 ناۋرىزدا تۇسكەن بولاتىن. قىلمىستىق ءىس قر قك-ءنىڭ 188-بابى 1-بولىگى بويىنشا سوتالدى تەرگەۋدىڭ بىرىڭعاي تىزىلىمىنە تىركەلدى.
"بۇل قىلمىستى اشۋ ءۇشىن ارنايى جەدەل-تەرگەۋ توبى قۇرىلدى, ونىڭ قۇرامىنا قالانىڭ كريمينالدىق پوليتسياسىنىڭ قىزمەتكەرلەرى دە كىردى. ۇرىلار بىردەن انىقتالدى. سونداي-اق, قىسقا مەرزىمدە ولار ايداعان كولىكتى انىقتاۋ مۇمكىن بولدى. كۇدىكتىلەر - ۇشەۋ, ولار 25 جانە 26 جاستاعىلار. كۇدىكتىلەر - الماتى وبلىسى ەڭبەكشىقازاق اۋدانىنا قاراستى اۋىلداردىڭ ءبىرىنىڭ تۇرعىندارى. قىلمىسكەرلەر ۇستالىپ, قاماۋعا الىندى. ولار شويىن ماڭدايشالار مەن ارىپتەردى قابىلداۋ پۋنكتىنە وتكىزۋ ءۇشىن ۇرلاپ كەتكەندەرىن مويىندادى. ءبىز ۇرلانعان م ۇلىكتىڭ ساتىلۋ باعىتىن جەدەل انىقتاپ, ۇرلانعان زاتتاردى ساتىپ الۋعا قاتىسى بار تاعى ءۇش ايىپتالۋشىنى انىقتادىق. ولار دا سول اۋىلدىڭ تۇرعىندارى. سوڭعى ورىن - الماتى قالاسى تۇركسىب اۋدانىنداعى بەكماحانوۆ كوشەسى بويىنداعى مەتالل قابىلداۋ پۋنكتى. باتىرلار اللەياسىنان الىنعان ارىپتەر مەن ماڭدايشالاردى ەرىتۋگە دايىنداعان", - دەدى مەدەۋ اۋداندىق پوليتسيا باسقارماسىنىڭ باستىعى داۋرەن وتەباەۆ.
زاتتاي ايعاقتار تاركىلەندى. ولاردىڭ جالپى سالماعى 44,5 كەلى بولدى. ساتىپ الۋشىلارعا قاتىستى قر قك-ءنىڭ 188-بابى بويىنشا قىلمىستىق ءىس قوزعالدى. ولار دا ۋاقىتشا ۇستاۋ يزولياتورىنا قامالدى.
