3-4 ناۋرىز كۇندەرى بىرىككەن ۇلتتار ۇيىمىنىڭ, سونداي-اق ورتالىق ازيا ەلدەرىنىڭ وكىلدەرى ءوزارا تەرروريزمگە قارسى ىنتىماقتاستىقتىڭ ناتيجەلەرىن باعالاۋ ماسەلەلەرىن تالقىلادى.
قازاقستاندىق دەلەگاتسيا قۇرامىندا اقدم ءدىن ىستەرى كوميتەتى توراعاسىنىڭ ورىنباسارى باۋىرجان باكيروۆ قاتىستى.
ب.باكيروۆ مينيسترلىكتىڭ ءدىن سالاسىنداعى ىسكە اسىرىپ جاتقان مەملەكەتتىك ساياساتى تۋرالى بايانداما جاساپ, وتاندىق زاڭنامامەن, ەكسترەميزم مەن تەرروريزمگە قارسى ءىس-قيمىل جونىندەگى مەملەكەتتىك باعدارلامالارمەن, سونداي-اق ءدىني ەكسترەميزم مەن تەرروريزمنىڭ الدىن الۋ جونىندەگى جۇمىستاردىڭ نەگىزگى باعىتتارىمەن تانىستىردى.
ءىس-شارادا بۇرىن قولدانىستا بولعان بىرلەسكەن ءىس-قيمىل جوسپارى شەڭبەرىندەگى 10 جىلدىق ىنتىماقتاستىقتىڭ قورىتىندىلارى شىعارىلىپ, تەرروريزمگە قارسى كۇرەس سالاسىنداعى وڭىرلىك جانە حالىقارالىق ىنتىماقتاستىق پەرسپەكتيۆالارىنىڭ اعىمداعى جانە بولاشاق ۇردىستەرى تالقىلاندى.
كونفەرەنتسيا سوڭىندا ورتالىق ازيادا جاھاندىق تەرروريزمگە قارسى ستراتەگيانى ىسكە اسىرۋ جونىندەگى بىرلەسكەن ءىس-قيمىل جوسپارى ۇسىنىلىپ, ماقۇلداندى, سونداي-اق «تاشكەنت دەكلاراتسياسى» قابىلداندى.
