الماتى قالاسىن دامىتۋ جونىندە وتكەن كەڭەستە مەملەكەت باسشىسى قالانىڭ كريمينوگەندىك جاعدايى مەن جول-كولىك وقيعالارىنا تانىمال ادامداردىڭ بالالارى مەن تۋىستارىنىڭ ءجيى قاتىسى بولاتىنى تۋرالى دەرەكتەردىڭ دە از ەمەس ەكەنىن اتاعان ەدى. بۇگىن 28 ناۋرىز كۇنى وسى ماسەلەلەردى قاپەرگە العان باس پروكۋروردىڭ ورىنباسارى نۇرماحانبەت يساەۆ پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە تولعاعى جەتكەن جايتتارعا بايلانىستى ءوز ويىمەن ءبولىستى. بۇل تۋرالى Egemen.kz ءتىلشسى حابارلادى.
كولىككە ماس كۇيىندە وتىرعان جۇرگىزۋشى سول ساتتەن باستاپ قاساقانا قىلمىس جاساۋشى بولىپ تابىلادى, دەدى ول. ابايسىزدا بولاتىن جول-كولىك وقيعالارى از ەمەس. مۇنداي كەزدەگى اپاتتى اراق ءىشىپ الىپ, كولىك جۇرگىزۋگە وتىرعان ادامنىڭ تۋدىرعان جول اپاتىمەن ەش سالىستىرۋعا كەلمەيدى. دەمەك, ءسپيرتتى ىشىمدىك ءىشىپ رولگە وتىرعان ادام الدىن الا قىلمىس جاساۋشى بولىپ تابىلادى. قازىرگى كەزدە جاڭا قىلمىستىق كودەكس جوباسىندا بۇل ماسەلە قارالىپ جاتقانى بەلگىلى. ەلباسىنىڭ تاپسىرماسىنا وراي, قىلمىستىق كودەكسكە ءتيىستى وزگەرىستەردى ەنگىزدىك, جاقىن ارادا بۇل وزگەرىستەردىڭ دە قابىلدانارى انىق. بۇل وزگەرىس قابىلدانعاننان كەيىن اۋىر قىلمىس جاساعان ادامدار ءتيىستى جازادان قۇتىلا المايتىن بولادى», دەدى قۇزىرلى ورگان وكىلى.
پرەزيدەنتتىڭ تاپسىرمالارىن ءىس جۇزىنە اسىرۋ ماقساتىندا باس پروكۋراتۋرا قىلمىستىق قۋدالاۋ ورگاندارى مەن پروكۋرورلار وزدەرىنىڭ جۇمىسىندا بارشانى جالىقتىرعان پايىزدار مەن تسيفرلاردى ەمەس, ءبىرىنشى كەزەكتە ادامداردىڭ قۇقىقتارى مەن مۇددەلەرىن قورعاۋدى باستى مىندەتتەرى دەپ ەسەپتەۋىنە قول جەتكىزۋگە كىرىسىپتى. سوندىقتان ولار قىلمىستىق احۋالدىڭ جاعدايىن بۇرىنعىداي وتىرىك ەمەس, شىنايى تۇردە ەكەنىن ايتا الاتىن جاعدايعا جەتىپتى. «دەگەنمەن بىزدەر زاڭ بۇزۋشىلىقتار ءبىرلى-جارىم عانا دەپ ويلامايمىز. ءبىزدىڭ ماقسات –زاڭسىزدىقتاردى مۇلدەم بولدىرماۋ»,- دەيدى ن. يساەۆ.
الەكساندر تاسبولاتوۆ.
دەرەككوز: Egemen.kz.
فوتو: باس پروكۋراتۋرانىڭ ءباسپاسوز قىزمەتى.
