ناۋرىز مەرەكەسى كۇندەرى كۇنىش احمەدوۆا اجەي 100-كوكتەمىن كوردى. كەيۋانانى قۇتتىقتاۋعا قالالىق ارداگەرلەر كەڭەسىنىڭ توراعاسى ەرەنعايىپ شايحۋتدينوۆ, الماتى قالاسىنداعى مەدەۋ اۋدانىنىڭ اكىمى سۇلتانبەك ماكەجانوۆ پەن وسى اۋدانداعى ارداگەرلەر كەڭەسىنىڭ توراعاسى كيم سەرىكباەۆ كەلدى.
كۇنىش اجە وسى كۇنگە دەيىن ۇيىنە كەلەتىن بىرقاتار باسىلىمداردى وقىپ وتىرادى ەكەن. ومىردە بولىپ جاتقان ءبۇكىل وقيعالاردان حاباردار جانە وسىعان قاتىستى ءوز تۇجىرىمدارى دا بار.
– جۇرتتىڭ ءبارى بۇل كىسىنى «اق ماما» دەپ كەتكەن. انامىز رەسەيدەگى قىسقى اق وليمپيادا كۇندەرى كەشكى اسقا جينالعاندا, وقىپ وتىرعان گازەتتەرىن جيىستىرىپ قويدى دا: «سوچيگە باياعىدا ساناتوريگە بارعانمىن» دەگەندە ءبارىمىز تاڭ قالدىق. ول كىسىنىڭ اقىل-ەسى ءبۇتىن, ساناسى وياۋ, – دەيدى قىزى سۆەتلانا شارافەددينقىزى.
اقىلمان اجەمىز ءالى دە جاساي بەرسىن. دەگەنمەن, بۇل كىسىنىڭ ۇزاق جاساپ قانا قويماي, دەنساۋلىعىنىڭ دا زەيىنىنىڭ دە زەردەلى بولۋىنىڭ سىرى نەدە ەكەنىن سۇراماي قالۋعا بولا ما؟!
– انامىزدىڭ دەنساۋلىعىنىڭ جاقسى بولۋى – ەرىك-جىگەرىنىڭ مىقتىلىعىندا. كەز كەلگەن جايتكە كۇيگەلەكتەنبەيدى. قانداي جاعداي بولسا دا, ءبارى جاقسى بولادى دەپ سوڭىن سابىرعا سالىپ وتىرادى. دارىگەرلەردىڭ ايتقانىن بۇلجىتپاي ورىندايدى. مىسالى, وسىدان 30 جىل بۇرىن وعان دارىگەرلەر قۋىرىلعان تاماق, مايلى سورپا ىشپەۋگە كەڭەس بەرسە, ونى انامىز 40 جىل بويى بۇلجىتپاي ورىنداپ كەلەدى, – دەيدى بالالارى.
كۇنىش حاسانقىزى اتىراۋ وبلىسىنىڭ تەڭىز اۋدانىندا دۇنيەگە كەلگەن. بالا كەزىندە استراحانداعى مەكتەپ-ينتەرناتتا وقىعان. اشارشىلىق باستالعان جىلدارى ول كىسى حالىق اعارتۋ ىسىنە قىزمەتكە كەلەدى. بۇل ناۋبەتتەن امان قالعان كەيۋانا ۇلى وتان سوعىسى جىلدارىندا كوزى اشىق ادام رەتىندە تىلدا ەڭبەك ەتىپ, العاشقى مەملەكەتتىك ماراپاتتارعا يە بولا باستاعان. ەل ەسىن جيناي باستاعان 50-ءشى جىلدارى الماتىداعى جوعارعى پارتيا مەكتەبى مەن اباي اتىنداعى قازاق پەداگوگيكالىق ينستيتۋتىندا ءبىلىم الادى.
وسىدان كەيىن اتقارۋشى بيلىك سالاسىندا تابان اۋدارماي 23 جىل حالىققا قىزمەت ەتەدى. دەربەس زەينەتكەرلىككە جەتكەن ەڭبەكقور جان بىرنەشە رەت اۋداندىق جانە قالالىق ءماسليحاتتاردىڭ دەپۋتاتى بولىپ سايلانادى.
100-گە كەلگەن اجەنىڭ ساياساتقا جاقىندىعىنىڭ سىرى وسىنداي. كوزىنىڭ اعى مەن قاراسىنداي ەكى قىزى ليۋدميلا مەن سۆەتلانا ەلگە سىيلى, زيالى, وقىمىستى جانداردىڭ قاتارىنا قوسىلدى. نەمەرە-شوبەرەلەرى الدىن كەسىپ وتكەن ەمەس, اجەلەپ اقىل سۇراپ وتىرادى.
عاسىر جاساعان اجە ءارى قۇتتىقتاپ ءارى اكىم رەتىندە جاعدايىن سۇراي كەلگەن الاتاۋ باۋرايىنداعى مەدەۋ اۋدانىنىڭ اكىمى سۇلتانبەك ماكەجانوۆقا دا اق باتاسىن بەرىپ, العىسىن ايتىپ, ادەمى ديدارلاسىپ, شىعارىپ سالدى.
ايناش ەسالي,
«ەگەمەن قازاقستان».
الماتى.
كۇنىش اجە وسى كۇنگە دەيىن ۇيىنە كەلەتىن بىرقاتار باسىلىمداردى وقىپ وتىرادى ەكەن. ومىردە بولىپ جاتقان ءبۇكىل وقيعالاردان حاباردار جانە وسىعان قاتىستى ءوز تۇجىرىمدارى دا بار.
– جۇرتتىڭ ءبارى بۇل كىسىنى «اق ماما» دەپ كەتكەن. انامىز رەسەيدەگى قىسقى اق وليمپيادا كۇندەرى كەشكى اسقا جينالعاندا, وقىپ وتىرعان گازەتتەرىن جيىستىرىپ قويدى دا: «سوچيگە باياعىدا ساناتوريگە بارعانمىن» دەگەندە ءبارىمىز تاڭ قالدىق. ول كىسىنىڭ اقىل-ەسى ءبۇتىن, ساناسى وياۋ, – دەيدى قىزى سۆەتلانا شارافەددينقىزى.
اقىلمان اجەمىز ءالى دە جاساي بەرسىن. دەگەنمەن, بۇل كىسىنىڭ ۇزاق جاساپ قانا قويماي, دەنساۋلىعىنىڭ دا زەيىنىنىڭ دە زەردەلى بولۋىنىڭ سىرى نەدە ەكەنىن سۇراماي قالۋعا بولا ما؟!
– انامىزدىڭ دەنساۋلىعىنىڭ جاقسى بولۋى – ەرىك-جىگەرىنىڭ مىقتىلىعىندا. كەز كەلگەن جايتكە كۇيگەلەكتەنبەيدى. قانداي جاعداي بولسا دا, ءبارى جاقسى بولادى دەپ سوڭىن سابىرعا سالىپ وتىرادى. دارىگەرلەردىڭ ايتقانىن بۇلجىتپاي ورىندايدى. مىسالى, وسىدان 30 جىل بۇرىن وعان دارىگەرلەر قۋىرىلعان تاماق, مايلى سورپا ىشپەۋگە كەڭەس بەرسە, ونى انامىز 40 جىل بويى بۇلجىتپاي ورىنداپ كەلەدى, – دەيدى بالالارى.
كۇنىش حاسانقىزى اتىراۋ وبلىسىنىڭ تەڭىز اۋدانىندا دۇنيەگە كەلگەن. بالا كەزىندە استراحانداعى مەكتەپ-ينتەرناتتا وقىعان. اشارشىلىق باستالعان جىلدارى ول كىسى حالىق اعارتۋ ىسىنە قىزمەتكە كەلەدى. بۇل ناۋبەتتەن امان قالعان كەيۋانا ۇلى وتان سوعىسى جىلدارىندا كوزى اشىق ادام رەتىندە تىلدا ەڭبەك ەتىپ, العاشقى مەملەكەتتىك ماراپاتتارعا يە بولا باستاعان. ەل ەسىن جيناي باستاعان 50-ءشى جىلدارى الماتىداعى جوعارعى پارتيا مەكتەبى مەن اباي اتىنداعى قازاق پەداگوگيكالىق ينستيتۋتىندا ءبىلىم الادى.
وسىدان كەيىن اتقارۋشى بيلىك سالاسىندا تابان اۋدارماي 23 جىل حالىققا قىزمەت ەتەدى. دەربەس زەينەتكەرلىككە جەتكەن ەڭبەكقور جان بىرنەشە رەت اۋداندىق جانە قالالىق ءماسليحاتتاردىڭ دەپۋتاتى بولىپ سايلانادى.
100-گە كەلگەن اجەنىڭ ساياساتقا جاقىندىعىنىڭ سىرى وسىنداي. كوزىنىڭ اعى مەن قاراسىنداي ەكى قىزى ليۋدميلا مەن سۆەتلانا ەلگە سىيلى, زيالى, وقىمىستى جانداردىڭ قاتارىنا قوسىلدى. نەمەرە-شوبەرەلەرى الدىن كەسىپ وتكەن ەمەس, اجەلەپ اقىل سۇراپ وتىرادى.
عاسىر جاساعان اجە ءارى قۇتتىقتاپ ءارى اكىم رەتىندە جاعدايىن سۇراي كەلگەن الاتاۋ باۋرايىنداعى مەدەۋ اۋدانىنىڭ اكىمى سۇلتانبەك ماكەجانوۆقا دا اق باتاسىن بەرىپ, العىسىن ايتىپ, ادەمى ديدارلاسىپ, شىعارىپ سالدى.
ايناش ەسالي,
«ەگەمەن قازاقستان».
الماتى.
