ەقىۇ پا ودم جونىندەگى ارناۋلى وكىلى اسقار شاكىروۆ ءوز بايانداماسىندا 2030 جىلعا قاراي قويىلعان ماقساتتارعا قول جەتكىزۋ كەستەسى بەلگىلى ءبىر تۇزەتۋدى تالاپ ەتەتىنىن اتاپ ءوتتى.
«ەقىۇ پارلامەنتتىك اسسامبلەياسى بىزگە ودم ىسكە اسىرۋ سالاسىنداعى ۇلتتىق تاجىريبەمىز بەن العان ساباقتاردى, سونداي-اق ودم ىسكە اسىرۋ مەرزىمدەرىن ساقتاۋ ءۇشىن ءبىزدىڭ قاداعالاۋ جانە زاڭ شىعارۋ مىندەتىمىزدى جاقسىراق جۇزەگە اسىرۋعا مۇمكىندىك بەرەتىن ماڭىزدى اقپاراتپەن الماسۋدىڭ بىرەگەي پلاتفورماسىن ۇسىنادى», دەدى ۆيتسە-سپيكەر.
وسىعان بايلانىستى ءاربىر پارلامەنتتە ماقساتتاردىڭ رەسمي مارتەبەگە يە بولۋى ءۇشىن بارلىق كۇش-جىگەردى جۇمساۋ ۇسىنىلدى.
سەناتوردىڭ پىكىرىنشە, ۋكرايناداعى جاعدايدىڭ شيەلەنىسۋى ەقىۇ ايماعىنداعى ورنىقتى دامۋ بارىسىندا اۋىر زارداپ اكەلۋى مۇمكىن.
«پرەزيدەنت قاسىم-جومارت توقاەۆ قازاقستان ەقىۇ 2010 جىلعى ءسامميتى قابىلداعان ءوزارا سەنىم نەگىزىندە ءوزارا تۇسىنىستىكتى كوزدەيتىن بولىنبەستىك پەن ورتاق قاۋىپسىزدىك قاعيداتىن ۇستاناتىنىن مالىمدەدى. ول ەكى مەملەكەتتى ديالوگتى جالعاستىرۋعا جانە بەيبىت جولمەن رەتتەۋگە بارىنشا كۇش سالۋعا شاقىردى», دەدى قازاقستاندىق پارلامەنتشى.
ورنىقتى دامۋ ماقساتتارى قازاقستاننىڭ ستراتەگيالىق قۇجاتتارىنا 80%-عا ينتەگراتسيالانىپ وتىر. 2021 جىلدىڭ قورىتىندىسى بويىنشا ورنىقتى دامۋ ماقساتتارى بويىنشا ەلىمىز وتكەن جىلمەن سالىستىرعاندا پروگرەسس يندەكسىندەگى رەيتينگىن 6 تارماققا جاقسارتىپ, 166-نىڭ ىشىنەن 59 ورىنعا يە بولدى.
ۆەب-ديالوگ اياسىنداعى تالقى ودم تاقىرىبىن نەعۇرلىم بەلسەندى تالقىلاۋ, ولاردى ىسكە اسىرۋعا وراي پارلامەنتتەردى كەشەندى ۇردىستەرگە تارتۋ, ۇزدىك تاجىريبەنى زەردەلەۋ مەن الماسۋ قاجەتتىگى تۋرالى ەقىۇ پارلامەنتشىلەرى كوزقاراستارىنىڭ بىرلىگىن كورسەتتى.
