جاعىمدى جاڭالىق جىگەرىمىزدى جانىدى
دوللار باعامى وسكەندە اۋەلگى جاڭالىقتى ەلباسىنان كۇتكەن ەدىك. ءۇمىتىمىز اقتالدى. اعىمداعى جىلدىڭ 14 اقپانىندا ۇكىمەتتىڭ كەڭەيتىلگەن وتىرىسىندا مەملەكەت باسشىسى ايلىق جالاقىنى, زەينەتاقىنى, جاردەماقىنى كوتەرۋ جونىندە ۇكىمەتكە شۇعىل تاپسىرما بەردى. مىنە, سوعان وراي 1 ساۋىردەن باستاپ ايلىق جالاقىمىزدى 10 پايىزعا ءوسىرۋ ءۇشىن قايتا ەسەپتەۋ جۇمىسى اياقتالىپ, قۇجاتتار زاڭداستىرىلدى. قۇداي بۇيىرتسا, الداعى ايدا بۇيىرعان قاراجات قولىمىزعا ءتيىپ, بالا-شاعا ناپاقاسىنا جاراتامىز. جالپى, ءبىزدىڭ ۇجىمدا 59 ادام قىزمەت ىستەيدى. تاڭداپ العان ماماندىعىمىزعا بەرىلگەندىگىمىز سول – ۋاقىتپەن ساناسۋدى بىلمەيمىز. بەلگىلەنگەن كۇن تارتىبىنە سايكەس كەلەتىن وقىرماندارىمىزدىڭ كوڭىلدەرىنە ەش كىربىڭ تۇسىرمەي ءتول مىندەتىمىزگە ساي قىزمەت كورسەتۋگە ابدەن داعدىلانىپ العانبىز. سونىمەن قاتار, كىتاپ الەمىنە قاتىستى وبلىستىق, قالالىق, اۋداندىق دەڭگەيلەردە قانداي دا ءبىر شارا وتكىزىلسە بەل ورتاسىندا ءجۇرۋىمىز دە ءبىر قاجەتتىلىك بولىپ سانالادى. شىنى كەرەك, كىتاپحاناشى بولۋ, جالپى ۇزاقتى كۇن عيمارات سورەلەرىندە ساپ تۇزەگەن كىتاپتىڭ اراسىندا ءجۇرۋ ەكىنىڭ ءبىرىنىڭ قولىنان كەلە بەرمەيدى. ۇجىمىمىزعا كەزدەيسوق كەلگەن جاندار بولسا وزدەرى-اق ىعىسىپ كەتەدى. سوندىقتان زاڭناما شەڭبەرىندە كىتاپ كوكجيەگىندە جۇرگەن جانداردىڭ دا ايلىق جالاقىلارىنىڭ 10 پايىزعا ءوسۋى ادىلەتتىلىك, ەڭبەكتىڭ ەسكەرىلۋى دەپ سانايمىن. البەتتە, ەلباسى تاراپىنان كورسەتىلگەن كوپ ادىلدىكتىڭ ءبىرى دە بىرەگەيى دەيتىنىمىز وسىناۋ جاعىمدى جاڭالىق جىگەرىمىزدى جانىعانىن ەل گازەتى «ەگەمەن قازاقستان» ارقىلى ايتقىمىز كەلەدى.ويتكەنى, ءبىز اتالعان گازەتتىڭ قاتارداعى وقىرمانىنىڭ ءبىرى عانا ەمەس, ەلىمىزدەگى باس باسىلىمنىڭ جىلدار بويعى تىگىندىلەرىن ساقتاپ, وقىرمان قاجەتتىلىگىن وتەپ جۇرگەن جاناشىرى بولىپ تابىلامىز. ماقپال نۇرعاليەۆا, س. سەيفۋللين اتىنداعى الماتى وبلىستىق امبەباپ كىتاپحاناسىنىڭ ديرەكتورى. تالدىقورعان.ەڭبەگىمىز باعالانا بەرمەك
قازاقستان قوعامىنىڭ ارتىقشىلىعى – ادامدار ءومىرىنىڭ ساپاسى مەن تىرشىلىك جاعدايىن جاقسارتۋعا ۇنەمى باسىمدىق بەرۋىندە. مۇنى ءبىز ەلباسى ن.نازارباەۆتىڭ جىل سايىنعى جولداۋلارىنداعى شاراپاتتاردىڭ كوپ ۇزاماي يگىلىككە اينالۋىنان بايقاپ وتىرمىز. ەلباسىمىز ازاماتتىق قىزمەتشىلەردىڭ جالاقىسىن, زەينەتاقىلار مەن وتەماقىلاردىڭ دەڭگەيىن كوتەرۋ جونىندە ۇكىمەتتىڭ اقپان ايىنداعى كەڭەيتىلگەن ماجىلىسىندە تاعى دا تاپسىرما بەردى. بۇل وزگە ارىپتەستەرىمىز سياقتى, دارىگەرلەر قىزمەتىنە بەرىلگەن باعا دەپ بىلەمىز. سونىمەن قاتار, بۇل كاسىبي جۇمىسىمىزدا تابىسقا قول جەتكىزۋىمىزدى قالايتىن جاۋاپكەرشىلىك ەكەندىگىن تۇسىنەمىز. قازىرگى تاڭدا دەنساۋلىق ساقتاۋ سالاسىندا زامانالىق جوبالار جۇزەگە اسىرىلۋدا. اۋرۋحانامىزدا انگيوگرافيالىق جاڭا جابدىقتارمەن قامتاماسىز ەتىلگەن بولىمشە اشىلدى. ءبىز 2008 جىلى العاش رەت اورتوكورونارلى شۋنتتاۋ وتاسىن جاسادىق. مۇندا استاناداعى اتاقتى كارديوحيرۋرگ, قازاقستاننىڭ ەڭبەك ەرى يۋري پيا مەن كاۋناس قالاسىنان كەلگەن پروفەسسور ريمانتاس بەنەتيستىڭ كومەگى وراسان بولدى. شەتەلدەردە ءبىلىمى مەن بىلىكتىلىگىن جەتىلدىرگەن بولىمشە ماماندارى قازىر ءساتتى قادامدار جاساپ, كوپتەگەن ازاماتتىڭ جانىن ساقتاپ قالدى. مۇنى ايتىپ وتىرعان سەبەبىم, ءبىزدىڭ قيىن دا قاجەتتى قىزمەتىمىزگە مەملەكەت تاراپىنان قولداۋ كورسەتىلىپ وتىراتىنىن جەتكىزۋ. جالاقىمىز 1 ساۋىردەن باستاپ 10 پايىزعا كوتەرىلەتىن بولدى. بۇل مەديتسينا قىزمەتكەرلەرىنىڭ بەدەلىن دە كوتەرەدى. جۇرتشىلىققا ءمالىم, قازىر سالالىق ماماندار جەتىسپەيدى. ۇكىمەتتىڭ وسى قادامى ارقىلى جاستاردىڭ ماماندىققا قۇشتارلىعى ارتىپ, ولاردىڭ اۋىلدىق جەرلەردە ەڭبەكتەنۋىنە قۇلشىنىس پايدا بولاتىنى انىق. ولار مۇنداي قامقورلىقتىڭ الداعى كەزدە دە جالعاسىن تاباتىنىن بىلەدى. ەڭبەكتىڭ زەينەتىن كورگەن جاقسى. ءبىزدىڭ باستى قۋانىشىمىز – ناۋقاستاردىڭ سىرقاتتان ايىعىپ, قوعامعا پايدالى جۇمىسىن جالعاستىرۋىندا. مەملەكەت بۇل تۇرعىدا الاڭسىز جۇمىس ىستەۋىمىزگە جاعدايلار تۋدىرۋمەن قاتار, مەديتسينا عىلىمىن جەتىلدىرۋ, ءتيىمدى تەحنولوگيالاردى ەنگىزۋ بويىنشا نىسانالى باعدارلامالاردى قابىلداپ وتىر. ماتەريالدىق قولداۋ دا كوڭىلدەن شىعادى. وسىنىڭ ءوزى ءبىزدىڭ بىلىكتىلىگىمىزدى ۇنەمى جەتىلدىرۋگە, قوعامدىق سالاماتتىلىقتى ارتتىرۋعا جىگەرلەندىرەدى. نۇرلان ءمىنايداروۆ, اقمولا وبلىستىق اۋرۋحاناسى كارديوحيرۋرگيا بولىمشەسىنىڭ مەڭگەرۋشىسى. كوكشەتاۋ.بارشامىزدىڭ ابىرويلى مىندەتىمىز
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋى ەلىمىزدىڭ دامىعان 30 مەملەكەتتىڭ قاتارىنا ەنۋ جولىنداعى ۇزاق مەرزىمدى باسىمدىقتارىن كەزەڭ-كەزەڭىمەن جۇزەگە اسىرۋ جولدارىن, تەتىكتەرىن بەلگىلەپ بەردى. ەلباسى ءوز جولداۋىندا ءبىلىم, عىلىم, ەكونوميكا, تەحنولوگيا, بيزنەس, حالىقتىڭ ءال-اۋقاتىن ارتتىرۋعا باعىتتالعان ءتۇيىندى ماقساتتاردى ايقىنداپ, «ءبىز ءۇشىن بولاشاعىمىزعا باعدار ەتەتىن, ۇلتتى ۇيىستىرىپ, ۇلى ماقساتتارعا جەتەلەيتىن يدەيا بار. اتا-بابالارىمىزدىڭ ۇلى ارمانى, ۇلتىمىزدىڭ ۇلى باعدارى, قازاقستاندىق ورتاق شاڭىراعىمىزدىڭ ۇلتتىق يدەياسى «نۇر وتان» پارتياسىنىڭ XV سەزىندە قابىلدانعان «نۇر وتان. نۇرلى بولاشاق جولىندا» دوكتريناسىندا كورىنىس تاپقان. ول قازاقستاندىق ءپاتريوتيزمنىڭ يدەيالىق نەگىزى – «ەل بىرلىگى», «حالىقتىڭ ىنتىماعى», «ۇلتتىق قاۋىپسىزدىك», «بەرەكەلى وتباسى», «ءتول مادەنيەت», «تامىرى تەرەڭ رۋحانيات», «جالپىعا ورتاق ەڭبەك قوعامى» سىندى جالپىۇلتتىق قۇندىلىقتارعا سايكەستىگىمەن ماڭىزدى. «قازاقستان-2050» ستراتەگياسىن جۇزەگە اسىرۋ – بارشامىز ءۇشىن ابىرويلى مىندەت. قاديشا وسپانوۆا, «نۇر وتان» پارتياسى قاراعاندى وبلىستىق فيليالى توراعاسىنىڭ ءبىرىنشى ورىنباسارى, قاراعاندى وبلىستىق ءماسليحاتىنىڭ دەپۋتاتى.
