مەملەكەت باسشىسى قاسىم-جومارت كەمەل ۇلى توقاەۆ پارتيانىڭ كەزەكتەن تىس سەزىندە سويلەگەن سوزىندە اتالعان ساياسي جاڭا اتاۋ تۋرالى «بۇل – ەلىمىز ءۇشىن دە, ۇلتىمىز ءۇشىن دە ايرىقشا ءمانى بار كيەلى ۇعىم», دەپ ايتا كەلىپ: «مەملەكەتتىلىك, ءداستۇر جالعاستىعى, ۇرپاق ساباقتاستىعى دەگەنىمىز, مىنە, وسى. حالقىمىز ەشقاشان اماناتقا قيانات جاساماعان. پارتيا بۇل قاعيداتتى بەرىك ۇستانادى», دەدى.
سەزدە اسا ماڭىزدى ەكى ماسەلە قارالدى. ءبىرىنشىسى, پارتيا ساياسي كەڭەسىنىڭ قۇرامىنا وزگەرىستەر ەنگىزۋ, ەكىنشىسى پارتيانىڭ بۇگىنگى زامان تالابىنا ساي مودەرنيزاتسياسى. وسى ايتىلعان ماسەلەلەردى تالقىلاۋدىڭ ناتيجەسى رەتىندە مەملەكەت باسشىسى 16 ناۋرىزدا ساياسي رەفورمالاردىڭ جاڭا باعدارلاماسىن جاريالايتىنىن جەتكىزدى.
بۇل – ناقتىلىقتىڭ كورىنىسى. جۇرەك كۇپتى بولسا دا, سەنىم – ۇلكەن. ءبىز تاۋەلسىز ەلمىز. وسى ءبىر الماعايىپ زامانداعى وڭ وزگەرىسكە ۇمتىلىس ەل ومىرىنە جاڭالىق پەن جاقسىلىق اكەلەدى دەگەن ۇمىتتەمىن. وزگەرىس كەرەك. وزگەرىس وزگەرىس ءۇشىن ەمەس, ەلدىڭ بولاشاعىنا قىزمەت ەتۋ ءۇشىن كەرەك. مەملەكەت باسشىسىنىڭ: «مەن ءۇشىن ەڭ باستى قۇندىلىق – قازاقستاننىڭ تاۋەلسىزدىگى» دەگەن ءسوزى – بارشامىزعا امانات!
سىن تۇزەلمەي, ءمىن تۇزەلمەسى انىق. ء«بىز جاس كادرلارعا جول بەرمەيمىز. بۇل – ءبىزدىڭ باستى كەمشىلىگىمىز», دەدى مەملەكەت باسشىسى. جاڭارۋدىڭ باسى جاستارعا جول بەرۋ بولماق. Amanat پارتياسى – جاڭا قازاقستاندى قۇرۋعا ۇيىتقى بولسىن. ەل امان, جۇرت تىنىش, بولاشاق زور بولسىن.
تۇردىقۇل شاڭباي,
«ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدى
مۋزەي-قورىعىنىڭ ديرەكتورى
