پرەزيدەنت تاپسىرماسىنان كەيىن بۇل ماسەلەگە قاتىستى تەكسەرۋ باستالعان ەدى. ماينينگ فەرمالارى ءارتۇرلى جولمەن انىقتالادى. باستىسى – ەنەرگيامەن جابدىقتاۋ جانە ەنەرگيانى تاراتۋ مەكەمەلەرى ۇسىنعان ەسەپتى سالىستىرۋ.
«اتىراۋ وبلىسىندا تىركەلگەن ەكى ماينينگ فەرماسى جۇمىس ىستەيدى. ولار «اتىراۋ جىلۋ-ەلەكتر ورتالىعى» اق-نىڭ قۋاتىنا قوسىلعان. ەنەرگيا تۇتىنۋ قاعيداسىنا سايكەس ماينينگ فەرمالارىنىڭ ارقايسىسىنا 10 مەگاۆاتتان اسپايتىن ليميت بەلگىلەنگەن. قازىر كريپتوۆاليۋتانى ءوندىرۋ توقتاتىلدى. تەكسەرۋ كەزىندە ماينينگ فەرمالارى ەلەكتر ەنەرگياسىنان اجىراتىلدى», دەيدى «اتىراۋ جىلۋ-ەلەكتر ورتالىعى» اق پرەزيدەنتى ماقسوت الەنوۆ.
