اتالىپ وتكەندەي, قۇجات:
- ۇزاق مەرزىمدى ىنتىماقتاستىق جانە ءبىلىم بەرۋ سالاسىنداعى ينتەگراتسيالىق ءوزارا ءىس-قيمىلدى تەرەڭدەتۋ مۇددەسىندە;
- رف اۋماعىنداعى قر جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ فيليالدارىندا جانە قر اۋماعىنداعى رف جوعارى ءبىلىم بەرۋ ۇيىمدارىنىڭ فيليالدارىندا ءبىلىم بەرۋ ساپاسىن قامتاماسىز ەتۋ ماقساتىندا قابىلداندى.
قازاقستان رەسپۋبليكاسى مەن رەسەي فەدەراتسياسىندا فيليالدارى قۇرىلۋى مۇمكىن ءبىلىم بەرۋ ۇيىمدارىنىڭ ءتىزىمىن, سونداي-اق كاسىپتەردىڭ, ماماندىقتاردىڭ جانە دايىندىق باعىتتارىنىڭ ءتىزىمىن ءبىلىم جانە عىلىم سالاسىنداعى ىنتىماقتاستىق جونىندەگى كىشى كوميسسيا انىقتايدى.
جوو-نىڭ قازاقستاندىق فيليالىندا ءبىلىم الۋشىلار ءبىلىم تۋرالى قۇجاتتاردى قازاقستاندىق زاڭناماعا سايكەس, ال رەسەيلىك فيليالدا-رەسەيلىك زاڭناماعا سايكەس الادى.
فيليالدىڭ ءبىلىم بەرۋ قىزمەتىن ليتسەنزيالاۋ جانە اككرەديتتەۋ مەملەكەتتەردىڭ زاڭناماسىنا سايكەس جۇزەگە اسىرىلادى.
قازاقستان ۇكىمەتى تاراپىنان كەلىسىمگە قول قويۋعا قر ءبىلىم جانە عىلىم ءمينيسترى اسحات ايماعامبەتوۆ ۋاكىلەتتى بولىپ تاعايىندالدى.
