«ۋكراينادا اسكەري ارەكەتتەر ءجۇرىپ جاتىر. جانە ەلدەن تەك قازاقستان ازاماتتارى عانا ەمەس, باسقا ەل ازاماتتارى دا ءوز ەلدەرىنە ورالعىسى كەلەدى. ءبىز قازاقستاندىقتار ءۇشىن بارلىق جاعدايدى جاساپ جاتىرمىز. كيەۆتە 8 ديپلوماتىمىز بار. قازاقستاندىقتاردى پولشا شەكاراسىنا جەتكىزۋدە ەلشىلىك وكىلدەرى بىرگە بارۋدا. بىراق, ماماندارىمىز جەتپەيدى, ەلشىلىكتە دە بىرەۋ قالۋ كەرەك. وتانداستارىمىزدى شەكاراعا جەتكىزگەن سوڭ, ەلشىلىك وكىلدەرى قايتىپ كەلىپ, كەلەسى توپ ادامداردى جولعا الىپ شىعۋدا», دەدى ايبەك سمادياروۆ.
ونىڭ ايتۋىنشا, ۋكراينا مەن پولشا شەكاراسىندا قازاقستاندىقتاردى ەلشىلىكتىڭ وكىلدەرى كۇتىپ تۇر.
«ولار ءتىزىم بويىنشا ءبىزدىڭ ازاماتتاردى تەكسەرىپ, ودان ءارى شىعارىپ سالادى. شەكارادا 2 ەلدىڭ دە كەدەن قىزمەتى شۇعىل ءارى توتەنشە رەجيمدە جۇمىس ىستەۋدە. باستىسى ولار تۇسىنىستىكپەن قاراۋدا. ءبىزدىڭ ديپلوماتتار ۋكراينا قالالارى مەن پولشا شەكاراسى اراسىندا جانتالاسىپ ءجۇر. سونداي-اق جەدەل جەلى جۇمىس ىستەپ تۇرعانىن ەسكە سالامىز. ۋكراينا شەكاراسىنداعى ۇزىنسونار كەپتەلىس 20-40 شاقىرىمعا دەيىن سوزىلعان. ءبىز ەشكىمدى قالدىرمايمىز, بارلىق ازاماتتاردى الىپ شىعامىز», دەيدى ول.
