قارۋلى كۇشتەر قاتارىنداعى ارۋ

بۇگىندە نازىك جاندى ارۋلارىمىزدىڭ قارۋلى كۇشتەر قاتارىندا قىزمەت ەتۋى ەرەكشە ماقتانارلىق جايت. ەگەمەندى ەلىمىزدىڭ قارۋلى كۇشتەرىندە ەرازاماتتارىمىزبەن يىق تىرەسە اسكەري قىزمەتتى وتەۋدە ەرلىك تانىتىپ جۇرگەن ارۋلارىمىزدىڭ سانى از ەمەس. ولار ءوز الدارىنا قويىلعان ماقساتتار مەن مىندەتتەردى جۇزەگە اسىرۋدا ارقاشان باستاماشىلىق تانىتىپ جۇرەدى. سولاردىڭ قاتارىنا قۇرلىق اسكەرلەرى اسكەري ينستيتۋتى ەۋروپا تىلدەرى كافەدراسىنىڭ اسكەري قىزمەتكەرى, كىشى سەرجانت مارجان مىرزابەكوۆانى ەرەكشەلەپ ايتۋعا تۇرارلىقتاي. مەملەكەتتىك قىزمەتتىڭ ماڭىزى قاشاندا جوعارى ەكەنىن تۇسىنگەن مارجان ماقسۇتقىزى ابىلاي حان اتىنداعى قازاق حالىقارالىق قا­تىناستار جانە الەم تىلدەرى ۋني­ۆەرسيتەتىن جوعارى ناتيجەمەن اياق­تاپ, ءوزىنىڭ العاشقى ەڭبەك جولىن قورعانىس مينيسترلىگىنىڭ اسكەري ينس­­تيتۋتىندا باستاعاندى ءجون كورەدى. فرانتسۋز عۇلاماسى جان جاك رۋسسو ءبىر ەلەۋلى ەڭبەگىندە “ەڭ زور ىزگى ەرلىكتەردى وتانعا دەگەن سۇيىسپەنشىلىك تۋعىزعان” دەپ اتاپ وتەدى. وسىنداي عۇلامانىڭ ويىن ومىرلىك سەرىك ەتە بىلگەن مارجان ماقسۇتقىزى ءوز مەملەكەتىنىڭ ءبىلىم بەرۋ ىسىنە بەلسەنە اتسالىسادى. العاشىندا جاي ازاماتتىق قىزمەتكەر بولىپ, كەيىننەن وقىتۋشىلىق قىزمەتكە اۋىسىپ, كۋرسانتتارعا اعىلشىن ءتىلىن ۇيرەتە باستايدى. ەگەمەندى ەلىمىزدىڭ بولاشاق اسكەري اۋدارماشىلارىن دايىنداپ, ولارعا قاجەتتى ءبىلىم بەرىپ, تاربيەلەۋدە ءوز تاراپىنان تىنباي ەڭبەك ەتە باستايدى. جاس مامان رەتىندە شەتەل تىلدەرىن وقىتۋدىڭ ادىستەمەسىن زەردەلەۋدە ءوزىنىڭ ارىپتەستەرىمەن ءوزارا وي الماسىپ, تاجىريبە جيناقتاي باستايدى. جالپى, باسەكەلەستىكتىڭ قارىشتاپ دامىعان زامانىندا حالىقارالىق تىلدەردى مەڭگەرۋ مەن زامان تالابىنا سايكەس لايىقتى ءبىلىم الۋ جانە ونى كاسىبي تۇرعىدا شىڭداپ وتىرۋ, ءوز ءىسىنىڭ شەبەرى بولۋ, مادەني قارىم-قاتىناس پەن ءوزارا ىنتىماقتاستىق نەگىزدەرىن ءبىلۋ ماڭىزدىلىعىن جەتە تۇسىنە بىلگەن مارجان ماقسۇتقىزى ءوزىنىڭ ءبىلىمىن ارقاشاندا تەرەڭدەتە تۇسۋگە تالپىنىس تانىتىپ جۇرەدى. ەگەمەندى ەلىمىزدىڭ وركەنيەتتى ەلدەرمەن تەرەزەسىن تەڭ ۇستاپ, قارۋلى كۇشتەرى قاتارىندا قىزمەت جاساپ جۇرگەن وسىنداي ارۋ قىزدارىمىز كوپ بولا بەرسىن! نۇرقانات سوپبەك, قۇرلىق اسكەرلەرى  اسكەري ينستيتۋتىنىڭ وقىتۋشىسى, اعا لەيتەنانت.