وزبەكستاننىڭ دەنساۋلىق ساقتاۋ مينيسترلىگى حابار تاراتقانداي, سوڭعى كۇندەرى پاتسيەنتتەردى كوروناۆيرۋستىق ينفەكتسيامەن اۋىراتىن ناۋقاستاردى ەمدەۋگە ارنالعان ارنايى جۇقپالى اۋرۋلار اۋرۋحانالارىنا جاتقىزۋ جەتى ەسە ازايدى.
بۇگىنگى تاڭدا اۋرۋدىڭ تارالۋى 0,4%-دى قۇرايدى, بۇل ەپيدەميولوگيالىق جاعدايدىڭ تۇراقتانۋىن كورسەتەدى.
«جوعارىدا كەلتىرىلگەن اقپاراتقا سايكەس, وسى جىلدىڭ 1 ناۋرىزىنان باستاپ ازاماتتارعا اشىق اۋادا, سونداي-اق, ازاماتتاردىڭ الەۋمەتتىك قاشىقتىعىن قامتاماسىز ەتۋ قيىن جەرلەردە, اتاپ ايتقاندا: قوعامدىق كولىكتەردە, ءىرى ساۋدا ورىندارىندا, وقۋ ورىندارىندا, مەملەكەتتىك جانە مەملەكەتتىك ەمەس مەكەمەلەردە بەتپەردەسىز جۇرۋگە رۇقسات ەتىلەدى», دەپ حابارلادى ۆەدومستۆو.
بۇل رەتتە مەشىتتەردە, تەاترلاردا, كينوتەاترلاردا, مۋزەيلەردە, ونەر سارايلارىندا, تۇرمىستىق قىزمەت كورسەتۋ مەكەمەلەرىندە جانە باسقا دا ادامدار كوپ جينالاتىن ورىنداردا بەتپەردە كيۋ ۇسىنىمدىق سيپاتتا بولادى.
ۆەدومستۆو دەنساۋلىق ساقتاۋ مەكەمەلەرىندە بەتپەردە كيىپ ءجۇرۋ ءالى دە مىندەتتى ەكەنىن قوسا حابارلادى.
