جارنامالىق باننەردە قر پرەزيدەنتىنىڭ فوتوسۋرەتى جانە ونىڭ «حالىقتىق IPO» باعدارلاماسىنىڭ كەڭەيتىلۋى تۋرالى دايەكسوزى جازىلعان, وندا ول ەلدىڭ ۇلتتىق بايلىعى حالىققا تيەسىلى ەكەنى ايتىلعان. مەملەكەت باسشىسى بۇل تۋرالى 2021 جىلى ايتقان. سول كەزدە ول «حالىقتىق IPO»-نى قايتا باستاۋدى تاپسىردى.
بۇگىندە باعدارلاما قايتا قولعا الىنباق, بىراق وعان ءالى قاتىسۋعا بولمايدى.
الەۋمەتتىك جەلىلەردە تاراتىلعان جارنامانىڭ باعدارلاماعا ەشقانداي قاتىسى جوق ەكەنىن «سامۇرىق-قازىنا» قورى دا راستادى.
– قازاقستان رەسپۋبليكاسى ۇكىمەتىنىڭ جەكەشەلەندىرۋ جوسپارى شەڭبەرىندە ءىرو-عا شىعارۋعا جاتاتىن ءىرى كومپانيالاردىڭ اكتسيونەرى رەتىندە «سامۇرىق-قازىنا» قورى فەيك اقپاراتتا ۇسىنىلعان مالىمەتتەردىڭ شىندىققا سايكەس كەلمەيتىنىن حابارلايدى. ازىرشە قور نارىعىنا «ەير استانا» جانە «قازمۇنايگاز» كومپانيالارىنىڭ باعالى قاعازدارىن شىعارۋ جوسپارلانىپ وتىر. بۇل كومپانيالاردىڭ اكتسيالارىن قور نارىعىنا ورنالاستىرۋدىڭ ناقتى كۇندەرى ءالى بەلگىلەنگەن جوق جانە بۇل كاپيتال نارىقتارىنداعى نارىقتىق كونيۋنكتۋراعا جانە كومپانيالاردىڭ جاعدايىنا بايلانىستى. بۇل رەتتە قور نارىعىنا شىعارۋ جوسپارلانىپ وتىرعان ۇلتتىق كومپانيالاردىڭ اكتسيالارى بويىنشا كىرىستىلىك نارىق كونيۋنكتۋراسىمەن ايقىندالاتىنىن ەرەكشە اتاپ وتەمىز, – دەپ حابارلادى قوردىڭ ءباسپاسوز قىزمەتىنەن.
