ۆەدومستۆونىڭ مالىمەتىنشە, قازىرگى ۋاقىتتا ۋاقىتشا كونسۋلدىق ەسەپتە 517 ادام (ەلشىلىك قىزمەتكەرلەرى جانە ولاردىڭ وتباسى مۇشەلەرى, ستۋدەنتتەر, بيزنەس وكىلدەرى) تۇر. سونداي-اق تۇراقتى كونسۋلدىق ەسەپتە 1113 ادام تۇر.
«بىراق بۇل ساندار وزگەرۋى مۇمكىن. قازىر ەۆاكۋاتسيالانعىسى كەلەتىندەر تۋرالى اقپارات جينالىپ جاتىر», دەپ قوستى ۆەدومستۆونىڭ ءباسپاسوز قىزمەتى.
ەسكە سالا كەتسەك, ۋكراينا اۋماعىندا بولىپ جاتقان جاعدايعا بايلانىستى قازاقستان رەسپۋبليكاسىنىڭ كيەۆتەگى ەلشىلىگى قازاقستاندىقتاردى ەۆاكۋاتسيالاۋدى قامتاماسىز ەتەدى.
ۋكراينادا جۇرگەن قازاقستان ازاماتتارى كيەۆ ق., يلەنكو ك-ءسى, 26 ءۇي مەكەنجايى بويىنشا ورنالاسقان قر ەلشىلىگىنە نەمەسە +38 (067) 347 04 08 (WhatsApp, Viber), +38 (044) 483 15 96, +38 (044) 489 18 58 تەلەفوندارى ارقىلى حابارلاسا الادى.
