وكىنىشكە قاراي, وسى اپتادا باستالعان باسەكەلەر جەرلەستەرىمىز ءۇشىن ءساتسىز اياقتالدى. قاتاردىڭ باس شاھارى – دوحاداعى جۇلدە قورى 2 632 448 اقش دوللارىن قۇراعان تۋرنيردە يۋليا پۋتينتسەۆا بەلورۋسسيالىق ۆيكتوريا ازارەنكودان ۇتىلعانىن ءبىز بۇعان دەيىن جازعانبىز. كەلەسى كۇنى ەلىمىزدىڭ ەڭ ۇزدىك تەننيسشىسى ەلەنا رىباكينا دا ءسۇرىندى. ول ەسىمى كوپشىلىككە بەيمالىم فرانتسيالىق جاكلين كريستيانعا جول بەردى – 4:6, 3:6. دۋبايداعى دودادا ەرلەر اراسىنداعى قازاقستاننىڭ ءبىرىنشى راكەتكاسى الەكساندر بۋبليك تە جەڭىلىستىڭ كەرمەك ءدامىن تاتتى. وتانداسىمىز العاشقى اينالىمدا اتر رەيتينگىندە 11-ورىندا تۇرعان پولياك حۋبەرت حۋركاچقا ەسە جىبەردى – 3:6, 1:6.
جەرلەستەرىمىزدىڭ اراسىنان ميحايل كۋكۋشكين عانا ءوز جانكۇيەرلەرىن قۋانتا الدى. فرانتسيانىڭ پو قالاسىندا ءوتىپ جاتقان جارىستىڭ ءبىرىنشى كەزەڭىندە ول چەحيالىق يرجي لەحەچكانىڭ (6:0, 6:2) تاس-تالقانىن شىعاردى. كەلەسى اينالىمدا كۋكۋشكين فرانتسيالىق مانۋەل گينارمەن شەبەرلىك بايقاسادى.
