باسەكەنىڭ العاشقى جارتىسى جەرلەستەرىمىزدىڭ باسىمدىعىمەن ءوتتى. 13-مينۋتتا كودي كۋنيك ەسەپ اشسا, 35-مينۋتتا ۆالەري ورەحوۆ نىسانانى ءدال كوزدەدى. ودان كەيىن «بارىس» ءسال بوساڭسىعان ەدى, ءاپ-ساتتە قاقپامىزعا ەكى شايبا ەندى. «دينامونىڭ» ساپىنان 39 جانە 40-مينۋتتاردا اندرەي پريبىلسكي مەن اندرەي ميرونوۆ مەرگەندىك تانىتتى. دەسەك تە, ەلوردالىق ويىنشىلار دەر كەزىندە ەستەرىن جيدى. ۇزىلىسكە دەيىن ساناۋلى سەكۋند قالعاندا ءاليحان اسەتوۆ ءوز كومانداسىن قايتا العا شىعاردى. ءۇشىنشى كەزەڭ بەل ورتادان اسقان تۇستا يۆان يگۋمنوۆ تارازى باسىن تەڭەستىردى. سودان ويىن وۆەرتايمعا ۇلاستى. قوسىمشا ۋاقىتتا جەڭىمپاز انىقتالماعان سوڭ باسەكەنىڭ تاعدىرى بۋلليت سوعۋ بارىسىندا شەشىلدى. بۇل رەتتە ءبىزدىڭ حوككەيشىلەر شەبەرلىك تانىتىپ, جەڭىستى ج ۇلىپ اكەتتى – 4:3. جەڭىس گولىن وللە السينگ سالدى.
