ىندەتتىڭ بەتى قايتا باستادى

وتكەن اپتا سوڭىندا وب­لىس­تىق كوممۋنيكاتسيالىق قىز­مەت ورتالىعىندا ساني­تارلىق-ەپيدەميالىق باقىلاۋ دە­پارتامەنتى باستىعىنىڭ ورىنباسارى يۋري سەۆوستيانوۆ ءباس­پاسوز جيىنىن وتكىزىپ, كوپ­شىلىك كوكەيىندەگى بىرقاتار ماسەلەنىڭ ءتۇيىنىن تارقاتىپ بەردى.

«وڭىردە «وميكرون» شتامى بار ما؟» دەگەن ساۋالعا يۋ.سەۆوستيانوۆ: ء«بىز ناۋقاس­تاردان الىنعان تالداۋلاردى رەسپۋبليكالىق زەرتحانالارعا جىبەرگەنبىز. وكىنىشكە قاراي, ولاردىڭ ناتيجەسىن ءالى الا الماي وتىرمىز. بىراق سوڭعى كەزدەرى تىركەلىپ جاتقان كليني­كالىق بەلگىلەرگە قاراعاندا, وڭىردە «وميكرون» بار دەپ اي­تۋعا بولادى», دەپ جاۋاپ بەردى. دەپارتامەنت وكىلى ەكىن­­شى نەمەسە ءۇشىنشى رەت ەكپە قابىلدايتىن 50 جاستان اسقان وبلىس تۇرعىندارىنا  Pfizer Comirnaty ۆاكتسيناسى ەگىلۋى مۇمكىن ەكەنىن ايتتى. اي­تۋىنشا, بۇل ماسەلە 17 اقپاندا وتكەن سالاارالىق كوميسسيا وتىرىسىندا تالقى­لانىپتى. «رەۆاكتسيناتسيا قا­بىلدايتىن مۇگەدەكتىگى بار ازا­ماتتارعا دا Pfizer Comirnaty ۆاكتسيناسى ەگىلۋى مۇم­كىن. بىراق ول ءۇشىن ەلىمىزدىڭ باس مەم­لە­كەت­تىك سانيتارلىق دارىگەرىنىڭ قاۋلىسى شىعۋى كەرەك», دەدى يۋ.سەۆوستيانوۆ.

ءباسپاسوز جيىنىندا وڭىردە «سپۋتنيك V» جانە «سپۋتنيك لايت» ۆاكتسينالارىنىڭ تاپشى ەكەنى دە ايتىلدى.

– قازىر دەنساۋلىق ساقتاۋ مينيسترلىگى مەن ۇلتتىق ور­تالىق بۇل ۆاكتسينالاردى سەرتيفيكاتتاپ جاتىر. سوندىقتان بىزگە ازىرشە ەكى ۆاكتسينانىڭ دا كەلەتىن كۇنى بەلگىسىز. ال قازاقستان ازاماتتارى رەسەي فەدەراتسياسى اۋماعىنا پتر-ءسىز قاشان وتە الادى دەگەن ساۋالعا كەلسەك, بۇعان دەيىن بىرنەشە رەت كوتەرىلگەن بۇل ماسەلە جا­قىندا وڭ شەشىم تاۋىپ قالۋى مۇمكىن. باس مەملەكەتتىك سا­ني­تارلىق دارىگەردىڭ تاياۋدا قابىلدانعان №9 قاۋلىسىندا قازاقستاننىڭ ۆاكتسينا پاس­پورتىن مويىنداعان ەلدەردىڭ ءتىزىمى كورسەتىلگەن. وكىنىشكە قاراي, رەسەي فەدەراتسياسى قازىر­شە بۇل تىزىمدە جوق, – دەدى يۋ.سەۆوستيانوۆ.

قوستاناي وبلىسى