زەينەتاقى قورىنىڭ دەرەكتەرى بويىنشا زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى ەسەبىنەن قالىپتاسىپ, 12,7 ترلن تەڭگەنى قۇرادى. مىندەتتى كاسىپتىك زەينەتاقى جارنالارى بويىنشا زەينەتاقى جيناقتارىنىڭ سوماسى 367,8 ملرد تەڭگەنى, ەرىكتى زەينەتاقى جارنالارى بويىنشا زەينەتاقى جيناقتارىنىڭ سوماسى 1,7 ملرد تەڭگەنى قۇرادى.
«2022 جىلدىڭ العاشقى ايىندا بجزق سالىمشىلارى وتكەن جىلدىڭ سايكەس كەزەڭىمەن سالىستىرعاندا شامامەن 30%-عا ارتىق قاراجات قوستى. 2022 جىلعى 1 اقپانداعى جاعداي بويىنشا سالىمشىلاردىڭ شوتتارىنا جالپى كولەمى شامامەن 114,9 ملرد تەڭگە زەينەتاقى جارنالارى ءتۇستى, بۇل 2021 جىلدىڭ ۇقساس كەزەڭىندەگى كورسەتكىشتەن 26,1 ملرد تەڭگەگە ارتىق. جارنالاردىڭ جالپى كولەمىنىڭ 93,3%-ىن مزج بويىنشا بجزق-عا تۇسىمدەر قۇرايدى, بۇل - 107,2 ملرد تەڭگە ء(وسىم 29%), مكزج بويىنشا 7,6 ملرد تەڭگە ء(وسىم 28%), ەزج بويىنشا 72 ملن تەڭگە ء(وسىم 149%) اۋدارىلدى. سونىمەن قاتار, ءبىر اي ىشىندە تازا ينۆەستيتسيالىق تابىس 10,6 ملرد تەڭگەنى قۇرادى», دەپ حابارلادى بجزق.
2022 جىلعى 1 اقپانداعى جاعداي بويىنشا بجزق-داعى جەكە زەينەتاقى شوتتارىنىڭ سانى 11,7 ملن بىرلىكتى قۇرادى. شوتتاردىڭ ەڭ كوپ سانى مىندەتتى زەينەتاقى جارنالارى بويىنشا اشىلدى – 10 865 718 بىرلىك. بۇدان ءارى مكزج ەسەبىنەن قالىپتاسقان شوتتار 550 405 بىرلىك, بجزق-داعى ەزج ەسەبىنەن قالىپتاسقان شوتتار سانى قازىر 63 471 بىرلىك, سونىمەن قاتار جىل باسىنان بەرى بجزق سالىمشىلارىنا 113,2 ملرد تەڭگە تولەدى, باسىم بولىگىن تۇرعىن ءۇي جاعدايلارىن جاقسارتۋ جانە ەمدەۋ ماقساتىندا بىرجولعى زەينەتاقى تولەمدەرى - 97,0 ملرد تەڭگە قۇرادى. جاسىنا بايلانىستى تولەمدەر - 6,6 ملرد تەڭگە, مۇراگەرلىك بويىنشا تولەمدەر - 3,8 ملرد تەڭگە, قر شەگىنەن تىس جەرلەرگە تۇراقتى تۇرۋعا كەتۋگە بايلانىستى تولەمدەر - 3,5 ملرد تەڭگە, ساقتاندىرۋ ۇيىمدارىنا اۋدارىمدار - 1,6 ملرد تەڭگەنى, جەرلەۋگە ارنالعان تولەمدەر - 0,4 ملرد تەڭگەنى جانە مۇگەدەكتىك بويىنشا تولەمدەر - 0,2 ملرد تەڭگەنى قۇرادى.
سونداي-اق, بجزق كەستەسى بويىنشا اي سايىنعى ورتاشا تولەم سوماسى (زەينەتكەرلىك جاسقا تولۋىنا بايلانىستى) 29 200 تەڭگەنى, ال اي سايىنعى تولەمنىڭ ەڭ جوعارى سوماسى 548 741 تەڭگەنى قۇرادى.
