كەشە نورۆەگيادا شاڭعىدان جاسوسپىرىمدەر مەن جاستار اراسىنداعى الەم بىرىنشىلىگىنىڭ شىمىلدىعى ءتۇرىلدى. التى كۇنگە سوزىلاتىن جارىستا قازاقستاننىڭ نامىسىن بەس سپورتشى قورعاۋدا. ولار – ايشا راقىشەۆا, كاميلا ماحمۇتوۆا, سۆياتوسلاۆ ماتاسوۆ, ماريا ليۋفت جانە تەمىرلان تولەگەنوۆ. 26-27 اقپان كۇندەرى رەسەيدىڭ ياروسلاۆل قالاسىندا شاڭعى اكروباتيكاسىنان الەم كۋبوگىنىڭ كەزەڭدىك سايىسى وتەدى. شورت-ترەكتىڭ موگۋل تۇرىنەن ءدال سونداي باسەكە جاپونيانىڭ تازاۆاكوسىندا ۇيىمداستىرىلادى. سپورتتىڭ وسى تۇرىنەن دۇنيەجۇزىلىك دودانى 18-20 ناۋرىز كۇندەرى كانادانىڭ مونرەال شاھارى قابىلدايدى. كەلەسى ايدىڭ باسىندا كونكيشىلەر نورۆەگيانىڭ حامارىندا جالاۋى جەلبىرەيتىن الەم چەمپيوناتىندا باس قوسادى.
سونداي-اق اقپاننىڭ سوڭى مەن ناۋرىز ايىنىڭ اياعىنا دەيىن بياتلون, شاڭعى, شاڭعى قوسسايىسى, شاڭعىمەن ترامپليننەن سەكىرۋ, مانەرلەپ سەكىرۋ جانە باسقا دا قىسقى سپورت تۇرلەرىنەن وتەتىن تارتىستى باسەكەلەردى تاماشالايمىز.
