الەم حالقىنىڭ سانىنىڭ وسۋىنە بايلانىستى جاھاندىق جەتكىزىلىم تىزبەگىنىڭ جۇمىسىن جاقسارتۋ, ازىق-ت ۇلىك پەن تاماق قالدىقتارىنىڭ شىعىنىن ازايتۋ, سونداي-اق ازىق-ت ۇلىك تاپشىلىعىنان زارداپ شەگەتىن حالىقتىڭ قولجەتىمدىلىگىن قامتاماسىز ەتۋ ءۇشىن اۋىل شارۋاشىلىعىنىڭ ونىمدىلىگىن يننوۆاتسيالىق ارتتىرۋ قاجەت. قۇرعاقشىلىق, كليماتتىڭ وزگەرۋى, سۋدىڭ جەتىسپەۋشىلىگى, سونداي-اق پاندەميا سياقتى كوكەيتەستى پروبلەمالار اۋىل شارۋاشىلىعىنىڭ دامۋىنا تەرىس اسەر ەتەدى, وسىلايشا ءار ەلدىڭ ازىق-ت ۇلىك قاۋىپسىزدىگىنە نۇقسان كەلتىرەدى.
«قازاقستان رەسپۋبليكاسىنىڭ جانە ورتالىق ازيانىڭ ازىق-ت ۇلىك قاۋىپسىزدىگىن دامىتۋ پەرسپەكتيۆالارى» حالىقارالىق كونفەرەنتسياسى اۋىل شارۋاشىلىعىن تۇراقتى دامىتۋ سالاسىندا تاجىريبە الماسۋ ءۇشىن, سونداي-اق ازىق-ت ۇلىك قاۋىپسىزدىگىن دامىتۋعا كەدەرگى كەلتىرەتىن وزەكتى ماسەلەلەردى تالقىلاۋ ءۇشىن تاماشا الاڭ بولىپ تابىلادى. ءىس-شارانىڭ ۇيىمداستىرۋشىلارى «ۇلتتىق اگرارلىق عىلىمي-ءبىلىم بەرۋ ورتالىعى» كەاق جانە ازىق-ت ۇلىك قاۋىپسىزدىگى جونىندەگى يسلام ۇيىمى (IOFS). ءىس-شارا وفلاين جانە ونلاين فورماتتا وتكىزىلدى.
كونفەرەنتسيانى قۇتتىقتاۋ سوزدەرىمەن «ۇلتتىق اگرارلىق عىلىمي-ءبىلىم بەرۋ ورتالىعى» كەاق (ۇاعببو) باسقارما ءتورايىمى گۇلميرا يساەۆا, ينۆەستيتسيالار جانە اۋىل شارۋاشىلىعىن دامىتۋ جونىندەگى اراب باسقارماسىنىڭ پرەزيدەنتى موحامماد بين وبايد ءال مازرۋي, «قازاقستان عارىش ساپارى» ۇك» اق باسقارما توراعاسى ايدىن ايىمبەتوۆ, IOFS باس ديرەكتورى ەرلان بايداۋلەت اشتى.
پلەنارلىق وتىرىستان كەيىن ۇاعببو مەن اراب ينۆەستيتسيالار جانە اۋىل شارۋاشىلىعىن دامىتۋ باسقارماسى, IOFS جانە اراب ينۆەستيتسيالار جانە اۋىل شارۋاشىلىعىن دامىتۋ باسقارماسى, ۇاعببو مەن «قازاقستان عارىش ساپارى» ۇك» اق, IOFS جانە «قازاقستان عارىش ساپارى» ۇك» اق اراسىندا ىنتىماقتاستىق تۋرالى مەموراندۋمدارعا قول قويىلدى.
كونفەرەنتسيا ءۇش سەسسيادان تۇردى, ونىڭ اياسىندا ستراتەگيالىق ماڭىزدى رەسۋرستاردى دامىتۋ, ازىق-ت ۇلىك قاۋىپسىزدىگى مەن مالدىڭ امان-ساۋلىعىن قامتاماسىز ەتۋ, سونداي-اق قازاقستاننىڭ اگروونەركاسىپتىك سەكتورىنداعى ينۆەستيتسيالىق مۇمكىندىكتەر ماسەلەلەرى تالقىلاندى. سونىمەن قاتار ءىس-شارا قاتىسۋشىلارى اۋىل شارۋاشىلىعى عىلىمىنىڭ ازىق-ت ۇلىك قاۋىپسىزدىگىن دامىتۋداعى, قۇرعاقشىلىق, كليماتتىڭ وزگەرۋى, سۋدىڭ جەتىسپەۋشىلىگى سياقتى پروبلەمالاردى شەشۋدەگى ءرولىن, سونداي-اق اۋىل شارۋاشىلىعىنىڭ تۇراقتى دامۋىن قامتاماسىز ەتۋ جونىندەگى شارالاردى تالقىلادى. كونفەرەنتسيا جۇمىسىنا ورتالىق ازيا ەلدەرىنىڭ اۋىل شارۋاشىلىعى مينيسترلىكتەرىنىڭ, حالىقارالىق ازىق-ت ۇلىك, عىلىمي مەكەمەلەر مەن اگروحولدينگتەردىڭ وكىلدەرى قاتىستى.
