باس پروكۋراتۋرانىڭ تەكسەرۋى شەڭبەرىندە اگەنتتىك 44 نارىق سۋبەكتىسىنىڭ ارەكەتتەرىندە كەلىسىلگەن ارەكەت جانە كارتەلدىك ءسوز بايلاسۋدى ۇيىمداستىرۋ فاكتىلەرىن انىقتادى.
سونداي-اق قازىرگى كەزدە پروكۋراتۋرا ورگاندارىنىڭ ۇسىنىستارى نەگىزىندە اقمولا, قىزىلوردا جانە قوستاناي وبلىستارى مەن شىمكەنت قالاسى بويىنشا اۋماقتىق مونوپولياعا قارسى دەپارتامەنتتەر 32 نارىق سۋبەكتىسىنە قاتىستى اكىمشىلىك ءىس قوزعادى, ماتەريالدار سوتقا جىبەرىلدى.
سولتۇستىك قازاقستان وبلىسى مەن نۇر-سۇلتان بويىنشا اۋماقتىق مونوپولياعا قارسى دەپارتامەنتتەر 7 نارىق سۋبەكتىسى بويىنشا ماتەريالداردى قىلمىستىق قۇقىق بۇزۋشىلىق بەلگىلەرىن قاراۋ ءۇشىن ەكونوميكالىق تەرگەۋ دەپارتامەنتىنە جىبەردى. اتىراۋ وبلىسىندا 2 نارىق سۋبەكتىسى بويىنشا تاياۋ ارادا اكىمشىلىك ىستەر قوزعالاتىن بولادى.
سونىمەن قاتار, پروكۋراتۋرا ورگاندارىنان قاداعالاۋ اكتىلەرى كەلىپ تۇسكەن جاعدايدا, باسقا تەرگەپ-تەكسەرۋلەر بويىنشا اكىمشىلىك ىستەر قوزعالادى. قالعان نارىق سۋبەكتىلەرى بويىنشا باسەكەلەستىكتى قورعاۋ سالاسىنداعى زاڭنامانى بۇزۋشىلىق بەلگىلەرىن انىقتاۋ بويىنشا جۇمىس جالعاسىپ جاتىر.
