بالىقتارعا ءتونىپ تۇرعان جاپپاي قىرىلىپ قالۋ قاۋپىنىڭ الدىن الۋ ءۇشىن «توبىل-تورعاي وبلىسارالىق بالىق شارۋاشىلىعىنىڭ قىزمەتكەرلەرى مەن جىتىقارالىق كەنشىلەر اۋدانداعى وزەن-سۋلارعا اەراتسيا جۇمىستارىن جۇرگىزدى.
جالپى, جەرگىلىكتى كوماروۆ تاۋ-كەن كاسىپورنىندا ەكولوگيالىق كونكۋرستار ءجيى ءوتىپ تۇراتىنىن ايتا كەتۋ كەرەك. كومپانيا وڭىردەگى بيوالۋانتۇرلىلىكتى ساقتاۋ ماقساتىنداعى ءىس-شارالارعا دا اتسالىسىپ كەلەدى. كاسىپورىن جۇمىسشىلارى بۇل جولى شورتاندى وزەنىندەگى بالىقتارعا اۋا جىبەردى. يگى باستامانى تاۋ-كەن كاسىپورنىنا قاراستى ەكونوميكالىق-جوسپارلاۋ ءبولىمىنىڭ مامانى پەتر ليفانوۆ كوتەرىپتى.
– ءوزىم دە اۋەسقوي بالىقشىمىن. قىستا سۋ استىنداعى وتتەگىنىڭ ازايۋى اسا قاۋىپتى جاعداي. سوندىقتان بۇل جوعارى جاۋاپكەرشىلىكتى قاجەت ەتەتىن اسا ماڭىزدى ماسەلە. اەراتسيا جۇرگىزۋ تۋرالى ويىمىزدى باسشىلارعا جەتكىزىپ ەدىك, ول كىسىلەر دە قولداي كەتتى, – دەدى پ.ليفانوۆ.
شورتاندىداعى يگى شاراعا قاتىسقان كەنشىلەر, كولىك جۇرگىزۋشىلەر مەن ەكولوگتەر وزەن مۇزىن بۇرعىلاپ, قامىستان باۋ بايلاپ, ونى ويىققا مالىپ قويدى. بۇل سۋ استىنا اۋا جىبەرۋدىڭ ەجەلگى ءتاسىلى ەكەن. مۇنىڭ سىرتىندا, ديزەلدى كومپرەسسوردىڭ كومەگىمەن مەحانيكالىق اەراتسيا جاسالدى.
كەنشىلەر مۇنداي شارانى الداعى ۋاقىتتا ب.مايلين اۋدانىندا دا جالعاستىرۋدى جوسپارلاپ وتىر.
قوستاناي وبلىسى
