الەم • 21 اقپان، 2022

دونالد ترامپتىڭ كاسىبى تەكسەرىلەدى

60 رەت كورسەتىلدى

نيۋ-يورك باس پروكۋرورى لەتيتسيا دجەيمس اقش-تىڭ بۇرىنعى پرەزيدەنتى دونالد ترامپتىڭ جىلجىمايتىن م ۇلىكتى دامىتۋ توبىنىڭ جۇمىسىن تەرگەۋدى باستادى.

نيۋ-يورك قالاسىنىڭ سوتى بۇرىنعى مەملەكەت باسشىسى ازاماتتىق تەرگەۋ اياسىندا پايدا بولعان كاسىپكەرلىگىنە قاتىستى سۇراقتارعا زاڭ الدىندا جاۋاپ بەرۋى كەرەك دەگەن شەشىم شىعاردى.

سوت ارتۋر ەنگورون بەيسەنبىدە دونالد ترامپ پەن ونىڭ ەكى بالاسى يۆانكا مەن كىشى دونالد ترامپقا نيۋ-يورك پروكۋرورى بىلتىر جەلتوقساندا بەرگەن تاپسىرمالاردى ورىنداۋدى ۇكىم ەتتى. 

ەنگوروننىڭ شەشىمى بويىنشا، ترامپ پەن ونىڭ ەكى بالاسى 21 كۇن ىشىندە جاۋاپ بەرۋى كەرەك. بۇل شەشىمدى سوت ترامپ ءوفيسىنىڭ ادۆوكاتتارىن تىڭداعاننان كەيىن قابىلدادى.

«باسقا جاعدايدا شتاتتىڭ باس پروكۋرورى زاڭدىق تۇلعانىڭ ءىس-ارەكەتتەرىن تەرگەۋدى باستاي الادى. ويتكەنى بۇعان دەيىنگى تەرگەۋ جۇمىستارى كوپتەگەن قارجىلىق الاياقتىققا دالەل تاۋىپ وتىر. سوندىقتان كومپانيا باسشىلىعى زاڭ الدىندا جاۋاپ بەرۋى كەرەك»، دەلىنگەن سوت شەشىمىندە.

ل.دجەيمس باستاعان ازاماتتىق تەرگەۋمەن قاتار مانحەتتەن پروكۋراتۋراسىنىڭ دا قىلمىستىق تەرگەۋى جۇرگىزىلىپ جاتىر. بۇل بۇرىنعى پرەزيدەنت پەن ونىڭ وتباسىنىڭ جاعدايىن قيىنداتا تۇسپەك.

دجەيمس ءوزىنىڭ تەرگەۋىندە ترامپتىڭ كومپانياسى گولف كۋرورتتار، عيماراتتار سياقتى اكتيۆتەردى باعالاۋدا الاياقتىققا بارعانىن انىقتاعانىن مالىمدەدى. ال بۇل باعالاۋلار مەملەكەتتەن كومەك الىپ، سالىقتى جەڭىلدەتۋ ءۇشىن جاسالادى. الايدا ترامپتىڭ ادۆوكاتتارىنىڭ ايتۋىنشا، بۇرىنعى پرەزيدەنت ازاماتتىق تەرگەۋ اياسىندا جاۋاپ بەرگەن جاعدايدا ونىڭ جاۋابىنىڭ بارلىعى قىلمىستىق تەرگەۋدە وزىنە قارسى قولدانىلۋى مۇمكىن.

وسى رەتتە ترامپتىڭ بالالارىنىڭ ادۆوكاتى الان فۋتەرفاس جاۋاپ بەرۋدەن باس تارتقانىن ايتا كەتەيىك.

سوڭعى جاڭالىقتار

ۇقساس جاڭالىقتار