الەم • 21 اقپان، 2022

سوماليدە بومبا جارىلىپ، 13 ادام قازا بولدى

55 رەت كورسەتىلدى

سەنبىدە تەررورشى ءوزىن ءوزى جارىپ، سونىڭ كەسىرىنەن 13 تۇرعىن كوز جۇمدى. سومالي ورتالىعىنداعى بەلەدۋەين قالاسىنداعى جارىلىس رەستوراندا بولعان.

جەرگىلىكتى پوليتسيانىڭ حابارلاۋىنشا، تاعى دا 20 ادام جاراقاتتانعان. قايتىس بولعاندار قاتارىندا لاۋازىمدى تۇلعالار دا بار. پوليتسيا جارىلىستى ءوزىن ءوزى جارعان سودىردىڭ قاساقانا ۇيىمداستىرعانىن راستاپ وتىر.

جارىلىس جاۋاپكەرشىلىگىن ء«ال-شاباب» دەگەن توپ الىپ وتىر. ولاردىڭ نەگىزگى نىساناسى مەيرامحاناعا كەلگەن شەندىلەر مەن ساياساتكەرلەر بولعان.

كۋاگەرلەر «حاسسان ديف» دەپ اتالاتىن مەيرامحانا ماڭىندا تۇسكى اس ۋاقىتىندا جارىلىس بولعانىن ايتادى. كارتاعا نازار سالساق، اتالعان رەس­توران اشىق الاڭدا ورنالاسقان. «بىرنەشە ادامنىڭ مۇردەسىن كوردىم، ناقتى سانىن ساناپ ۇلگەرمەدىم. ويتكەنى اۋرۋحاناعا الىپ بارۋعا تىرىسقاندار كوپ بولدى. وقيعا ورنى ابىر-سابىر بولىپ كەتتى. قايتىس بولعانداردىڭ اراسىندا الاڭدا سەرۋەندەپ ءجۇرىپ، تاماققا تاپسىرىس بەرۋگە سوققاندار دا بولدى»، دەيدى قالا تۇرعىنى ماحاد وسمان.

قالادا الدا جوسپارلانعان پارلامەنتتىك سايلاۋ قارساڭىندا باقىلاۋ كۇشەيگەن بولاتىن. وقيعا سول كۇشەيتىلگەن ساقتىق شارالارىنا قاراماستان بولىپ وتىر. وعان قوسا جارىلىس بولعان بەلەدۋەين قالاسى ەل استاناسى موگاديشۋدان 340 شاقىرىم جەردە ورنالاسقان.

اۋداندارعا جاۋاپتى پوليتسيا قىزمەتكەرلەرى دە جاپا شەككەن. پوليتسيانىڭ حابارلاۋىنشا، ەكى قىزمەتكەر جارالانعان، بىرەۋىنىڭ جاعدايى اۋىر.

جوعارىدا اتى اتالعان ء«ال-شاباب» تەرروريستىك توبى كەيىنگى ەكى اپتادا تاعى ەكى شابۋىل ۇيىم­داستىرعان. توپتىڭ ء«ال-كايداعا» قاتىسى بارى، ورتا­لىقتان ء«ال-كايدا» باسشىلارى تاپسىرما بەرە­تىنى ءمالىم بولدى.

جارىلىس سالدارىنان قايتىس بولعاندار ىشىندە جاقىندا وتەتىن پارلامەنت سايلا­ۋى­نا قا­تىسىپ جاتقان ۇمىتكەردىڭ دە بولعانى انىق­تال­دى. سايلاۋ 25 اقپاندا اياقتالۋى ءتيىس-ءتىن. ەندى سوڭعى وقيعا سەبەبىنەن سايلاۋ تاعى دا كەيىنگە شەگەرىلمەك.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار