مەملەكەت باسشىسى قاسىم-جومارت توقاەۆتىڭ وتاندىق تەلەارناعا بەرگەن سۇحباتىندا جاڭا قازاقستاندى قۇرۋ جولىنداعى نەگىزگى مىندەتتەردى قوزعادى. سونىڭ ىشىندە ادىلەتتى قوعام قۇرۋ قاجەتتىلىگى وتە ماڭىزدى.
ەگەر كولەڭكەلى ەكونوميكا مەن سىبايلاس جەمقورلىق بولماسا, وندا ءبىز ءادىل جانە ادال مەملەكەت بولا الامىز. بيۋدجەت تە جونىمەن جۇمسالادى, ال بۇل دەگەنىمىز – الەۋمەتتىك دامۋدىڭ بەلگىسى. مەن ءۇشىن جاڭا قازاقستان – ادىلەتتى سوت جانە كەز كەلگەن ازاماتتىڭ مۇددەسىن قورعايتىن قۇقىق جۇيەسى. بۇگىنگى قۇقىقتىق جۇيەدەگى قورقىنىشتان ارىلۋ كەرەك. ياعني بيلىك پەن حالىقتىڭ ءوزارا جاۋاپكەرشىلىگى بولۋى كەرەك.
جاڭا قازاقستان – ءار ازاماتتىڭ پروبلەماسىنا ءمان بەرەتىن مەملەكەت. سول سياقتى ازاماتتار دا زاڭ تالابى مەن قۇقىقتى ساقتاۋعا ءتيىس. سوندا عانا ادىلەتتى قوعام مەن ءتيىمدى مەملەكەت بولادى. ناقتىسى وسى. داميمىن دەگەن مەملەكەت ءۇشىن ادىلەتتى قوعام, تەڭدىك جانە ادام قۇقىعىنىڭ ساقتالۋى ماڭىزدى. ال مەملەكەت ەل يگىلىگى ءۇشىن ءتيىمدى جۇمىس ىستەۋگە ءتيىس. سونداي-اق ەلىمىزدە ساپالى ءبىلىم مەن الەۋمەتتىك مەديتسينا حالىقتىڭ يگىلىگىنە قىزمەت ەتۋى كەرەك.
مارات ءباشىموۆ,
ەۋروپالىق قۇقىق جانە ادام قۇقىقتارى ينستيتۋتىنىڭ ديرەكتورى
