«پرەزيدەنتىمىزدىڭ «Qazaqstan» ۇلتتىق تەلەارناسىنا بەرگەن سۇحباتىن كورىپ شىقتىق. مەملەكەت باسشىسى سۇحبات بارىسىندا حالقىمىزدى مازالاعان وزەكتى ماسەلەلەرگە توقتالىپ, ەلىمىزدىڭ دامۋى مەن بولاشاعى تۋرالى ويلارىن ءبىلدىردى.
قاسىم-جومارت كەمەل ۇلى قاڭتار وقيعاسىنان كەيىن ەلىمىزدە قالىپتاسقان جاعدايعا كەڭىنەن توقتالىپ ءوتتى. قازىر قوعامدا ۇستالعاندارعا قاتىستى قۇقىق بۇزۋشىلىق دەرەكتەرى تۋرالى ءجيى ايتىلىپ جاتقانى بەلگىلى. مەملەكەت باسشىسى بۇل ماسەلەلەر بويىنشا بىرنەشە رەت جيىن وتكىزىپ, ناقتى تاپسىرمالار بەردى. بۇگىنگى سۇحباتىندا دا ازاماتتارىمىزدىڭ قۇقىعىن قورعاۋ جانە ءاربىر ءىس بويىنشا ءادىل شەشىم شىعارۋ اسا ماڭىزدى ەكەنىن اتاپ ءوتتى. پرەزيدەنتىمىز ايتقانداي, ازاماتتاردىڭ قۇقىعىن بۇزعاندار جازاسىز قالمايدى.
قازىرگى تاڭدا ەلىمىزدە بارلىق سالادا جۇيەلى رەفورمالار جۇرگىزىلىپ كەلەدى. قاسىم-جومارت كەمەل ۇلى مۇنداعى باستى ماقسات ەلدىڭ ءال-اۋقاتىن ارتتىرۋ, ادىلەتتى قوعام قۇرۋ, وليگوپوليانى جويۋ, ساياسي ترانسفورماتسيا جاساۋ جانە ەلىمىزدىڭ ەكونوميكالىق دامۋىن جەدەلدەتۋ ەكەنىنە باسا ءمان بەردى. بۇل – حالىقتىڭ تالاپ-تىلەگى.
مەملەكەت باسشىسى توڭكەرىسشىلەر وسى رەفورمالارعا كەدەرگى كەلتىرىپ, ەلىمىزدىڭ ىرگەسىنە سىزات ءتۇسىرۋدى كوزدەگەنىن ايتتى. مۇنداي قيىندىقتار رەفورمالاردى شەكتەۋگە ەمەس, كەرىسىنشە ولاردى قارقىندى جۇرگىزۋگە سەبەپ بولادى دەپ سەنەمىز. سۇحباتتان پرەزيدەنتىمىزدىڭ وسىنداي قاعيداعا ارقا سۇيەپ وتىرعانىن بايقاۋ قيىن ەمەس.
سونىمەن قاتار سۇحباتتا قوعامعا ماڭىزدى يدەولوگيالىق مەسسەدجدەر دە نازاردان تىس قالعان جوق. ءبىز بۇگىندە جاڭا قازاقستاندى قۇرامىز دەگەن جوسپاردىڭ اياسىنا توپتاستىق. ارينە, بۇل جوسپار وزدىگىنەن جۇزەگە اسپايتىنى تۇسىنىكتى. جاڭا قازاقستاننىڭ قوزعاۋشى كۇشى – ءبىزدىڭ ازاماتتارىمىز, ولاردىڭ وتانعا دەگەن ادالدىعى, ەڭبەكقورلىعى مەن بىلىكتىلىگى.
جاڭا قازاقستان – جاڭا مىندەت, ورتاق مۇرات. وعان قول جەتكىزۋ ءۇشىن ءاربىر ازامات ءوز سالاسىندا ساپالى ەڭبەك ەتۋگە ءتيىس. قازىر ەلىمىزدىڭ تاۋەلسىزدىگى مەن مەملەكەتتىلىگىن ساقتاپ, ءارى قاراي نىعايتۋ – ەڭ باستى مىندەت.
پرەزيدەنتىمىز ايتقانداي, قازاقستاندىقتاردىڭ قازاقستاننان باسقا وتانى جوق. وسى ورتاق وتانىمىزدى ودان ءارى دامىتۋ جانە جاڭارتۋ جولىندا بارشامىزدىڭ جۇدىرىقتاي جۇمىلىپ ارەكەت ەتۋىمىز اسا ماڭىزدى.
سوندىقتان قۇرمەتتى دوستار, ەلدىڭ بەرەكە-بىرلىگىن ساقتاپ, سابىرلىق پەن جاۋاپكەرشىلىككە تابان تىرەپ, بايسالدىلىق تانىتىپ, بار ماسەلەنى بايىپپەن شەشۋگە كۇش جۇمساۋىمىز قاجەت. وسى جولدا ءبارىمىز پرەزيدەنتىمىزدىڭ ساياساتىن قولداپ, جاڭا قازاقستاندى قۇرۋعا بەلسەندى اتسالىسايىق», دەلىنگەن سەنات توراعاسىنىڭ جەلىدەگى جازباسىندا.
