«قازاقستان رەسپۋبليكاسىندا تاڭبالاۋ 2017 جىلدىڭ 1 قاراشاسىنان باستاپ 2019 جىلدىڭ 31 ناۋرىزعا دەيىن تەرى بۇيىمدارىن تاڭبالاۋ بويىنشا پيلوتتىق جوبا ءوتتى, ونىڭ قورىتىندىسى بويىنشا بىرقاتار كورسەتكىشتەردىڭ جاقسارۋى بايقالدى. بىرىنشىدەن, تەرى بۇيىمدارىن تاڭبالاۋ سالىق زاڭناماسىن بۇزۋشىلاردى, ياعني جەڭىلدەتىلگەن سالىق سالۋ ءۇشىن ارنايى سالىق رەجيمى بويىنشا شەكتى مەجەلىك ءماندى قولدانۋ ماقساتىندا كىرىستەرى تومەندەتىلگەن سالىق تولەۋشىلەردى انىقتاۋعا مۇمكىندىك بەردى. ناتيجەسىندە, پاتەنت نەگىزىندە قىزمەتتى جۇزەگە اسىراتىن سۋبەكتىلەر سانى 13 ەسەگە (243-تەن 18-گە دەيىن) قىسقاردى. ەكىنشىدەن, 2018 جىلى تاۋارلارعا دەكلاراتسيا رەسىمدەگەن يمپورتتاۋشىلاردىڭ سانى ونىڭ الدىڭعى جىلمەن سالىستىرعاندا 30%-كە ءوستى, ال ولاردان يمپورت بويىنشا كەدەندىك باجدار مەن سالىقتار تۇسىمدەرىنىڭ ءوسىمى 40%-ءتى قۇرادى (372,3 ملن تەڭگەدەن 516,2 ملن تەڭگەگە دەيىن)», دەدى ءاليحان سمايىلوۆ.
وسى قىزمەت بويىنشا ىشكى سالىقتار تۇسىمدەرىنىڭ ءوسىمى 1,5 ەسە (430,8 ملن تەڭگەدەن 648,6 ملن تەڭگەگە دەيىن) ارتتى. «تاڭبالاۋعا جاتاتىن تاۋارلاردىڭ تىزبەسىن ايقىنداۋ تۋرالى» قر ۇكىمەتىنىڭ 2020 جىلدىڭ 10 قىركۇيەكتەگى 568 قاۋلىسىنا وزگەرىس ەنگىزۋ تۋرالى» قرۇكىمەتىنىڭ 2021 جىلدىڭ 31 تامىزداعى 588 قاۋلىسىنا سايكەس, تىزبەگە تەك تەمەكى ونىمدەرى مەن اياق كيىم تاۋارلارى عانا كىرەدى. بۇل قاۋلىدا توقىما ونىمدەرى, سۋ جانە سۋسىندار جوق, ويتكەنى ولار پيلوتتىق جوبا ساتىسىندا.
«دارىلىك زاتتار بويىنشا رەتتەۋشىلىك اسەردى تالداۋدىڭ وڭ قورىتىندىسى جانە كاسىپكەرلىك قىزمەتتى رەتتەۋ ماسەلەلەرى جونىندەگى ۆەدومستۆوارالىق كوميسسيانىڭ قورىتىندىسى بار. دارىلىك زاتتاردى تاڭبالاۋ 2022 جىلدىڭ 1 شىلدەسىنەن باستاپ كەزەڭ-كەزەڭمەن ەنگىزۋ جوسپارلانۋدا», دەدى ۇكىمەت باسشىسى.
سونىمەن قاتار, اۋىل شارۋاشىلىعى مينيسترلىگىنىڭ ۇسىنىسىنا سايكەس, پيلوتتىق جوبانى اياقتاۋ ءۇشىن ىشكى نارىق ءۇشىن ءسۇت ونىمدەرىن تاڭبالاۋ ورىنسىز دەپ ايقىندالدى. تاڭبالاۋ بويىنشا پيلوتتىق جوبالار تولىعىمەن بىرىڭعاي وپەراتوردىڭ قاراجاتى ەسەبىنەن جۇرگىزىلەدى, بۇل ءسۇت ونىمدەرىنىڭ قانداي دا ءبىر قىمباتتاۋىنا الىپ كەلمەيدى. ءسۇت ونىمدەرى مىندەتتى تاڭبالاۋدان ەنگىزىلگەن جوق.
سونداي-اق, قارجى مينيسترلىگىنىڭ ۇسىنىسىنا سايكەس ىشىمدىك ونىمدەرىن تاڭبالاۋ بويىنشا پيلوتتىق جوبا الىنىپ تاستالدى جانە قولدانىستاعى باقىلاۋ جۇيەلەرى جەتكىلىكتى دەپ تانىلدى. ىشىمدىك ءونىمىنىڭ اينالىمىن قاداعالاۋدى جانە باقىلاۋدى قولدانىستاعى اقپاراتتىق جۇيەسىن جەتىلدىرە وتىرىپ, ازاماتتىق جانە سالىق باقىلاۋى جولىمەن جۇزەگە اسىرۋ ۇسىنىلادى.
ءا. سمايىلوۆتىڭ ايتۋىنشا, كولەڭكەلى اياق كيىم نارىعى 48,5% قۇراپ وتىر, بۇل نارىقتاعى بارلىق تاۋار كولەمىنىڭ جارتىسىنا جۋىعى. تاڭبالاۋ بيزنەس تاراپىنان ايتارلىقتاي شىعىنداردى كوزدەمەيدى, ونى ەنگىزۋ سول اياق كيىمنىڭ قۇنىنا ايتارلىقتاي اسەر ەتپەيدى. ءبىر تاڭبالاۋ كودىنىڭ قۇنى 2,68 تەڭگەنى قۇرايدى, Data Matrix كودىن اياق كيىمگە جاعۋعا ارنالعان جابدىق جوعارى اعىندى جەلىلەرگە قاراعاندا ايتارلىقتاي ارزان.
«يندۋستريا جانە ينفراقۇرىلىمدىق دامۋ مينيسترلىگى اياق كيىم ونىمدەرىن تاڭبالاۋعا ارنالعان باعدارلامالىق قامتاماسىز ەتۋدى قوسا العاندا, سايكەستەندىرۋ قۇرالدارىن سالۋعا ارنالعان جابدىقتى ساتىپ الۋعا بايلانىستى جەڭىل ونەركاسىپ سۋبەكتىلەرى شىعىندارىنىڭ ءبىر بولىگىن وتەۋدى ەنگىزۋ بولىگىندە وتاندىق وڭدەلگەن تاۋارلاردى ىلگەرىلەتۋ بويىنشا يندۋستريالىق-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋ قاعيدالارىنا وزگەرىستەر ەنگىزدى. قاعيدالارعا سايكەس وتەۋگە ۇسىنىلاتىن سومانىڭ 50% مولشەرىندە, بىراق ءبىر سۋبەكتىگە 10 000 اەك-تەن اسپايتىن نەگىزدەلگەن جانە قۇجاتپەن راستالعان شىعىنداردى وتەۋ كوزدەلگەن», دەدى ۇكىمەت باسشىسى.
تاۋارلاردى تاڭبالاۋدىڭ جانە تاۋارلاردى قاداعالاۋدىڭ بىرىڭعاي وپەراتورى – «قازاقتەلەكوم» اق مىندەتتى تاڭبالاۋعا دايىندىق اياسىندا قازاقستانعا ارنالعان اياق كيىم شىعاراتىن 45 شەتەلدىك زاۋىتپەن كەلىسسوز جۇرگىزدى, ولاردىڭ كوپشىلىگى ءبىر جارىم جىل بويى رەسەي نارىعىنا ارنالعان اياق كيىمدى تاڭبالايدى جانە قازاقستاننىڭ وسىنداي قادامدارىنا دايىن.
«تاۋارلاردى تاڭبالاۋ جانە قاداعالاۋ جۇيەسىن ەنگىزۋ ەلدەگى كولەڭكەلى نارىقتىڭ كولەمىن قىسقارتادى جانە سالىق سالۋ بازاسىن كەڭەيتەدى, وسىلايشا مەملەكەتتىك بيۋدجەتكە تۇسەتىن تۇسىمدەردى ارتتىرادى», دەدى پرەمەر-مينيستر.
