سپيكەر تەگىن ءدارى-دارمەكپەن بيۋدجەت قاراجاتى ەسەبىنەن تمككك شەڭبەرىندە 35 نوزولوگيا بويىنشا ديسپانسەرلىك ەسەپتە تۇرعان پاتسيەنتتەر, سونداي-اق ءمامس پاكەتىندە 41 نوزولوگيا بويىنشا ەرەسەكتەر, 63 نوزولوگيا بويىنشا بالالار قامتاماسىز ەتىلەتىنىن حابارلادى.
سونىمەن قاتار, ءدارى-دارمەكتەرمەن قان اينالىمى جۇيەسى, اس قورىتۋ ورگاندارى, قان ءوندىرۋ ورگاندارى, ەندوكريندىك جۇيە اۋرۋلارى, تاماقتانۋ جانە زات الماسۋدىڭ بۇزىلۋى, سۇيەك-بۇلشىق ەت جۇيەسى جانە جۇيكە جۇيەسى اۋرۋلارى, پسيحيكالىق اۋىتقۋشىلىق, كەيبىر ينفەكتسيالىق جانە پارازيتتىك اۋرۋلار, ىسىكتەر, تىنىس الۋ ورگاندارىنىڭ اۋرۋلارى, نەسەپ-جىنىس جۇيەسى جانە ت. ب. اۋرۋلارى بار پاتسيەنتتەر قامتاماسىز ەتىلەدى.
مىسالى, 2021 جىلى تمككك جانە ءمامس شەڭبەرىندە پاتسيەنتتەردى امبۋلاتوريالىق دەڭگەيدە قامتاماسىز ەتۋ ءۇشىن 24,8 ملرد تەڭگە سوماسىندا قارجىلاندىرۋ ءبولىندى. تمككك اياسىندا – 219 مىڭنان استام پاتسيەنت, ءمامس پاكەتى شەڭبەرىندە – 26 مىڭنان استام ەرەسەك پاتسيەنت, سونداي-اق 40 مىڭنان استام بالا قامتاماسىز ەتىلدى.
«2022 جىلعا 20 ملرد تەڭگەدەن استام سوماعا ءدارى-دارمەك ساتىپ الۋعا وتىنىمدەر كەلىسىلدى. ولار بويىنشا جەتكىزۋ قاڭتاردىڭ ورتاسىنان باستاپ بەكىتىلگەن كەستە بويىنشا باستالدى», دەپ اتاپ ءوتتى ت. ابىلداەۆ.
قاجەت بولعان جاعدايدا پاتسيەنتتەر 1439 قىسقا ءنومىرى بويىنشا تەگىن ءدارى-دارمەكپەن قامتاماسىز ەتۋ ماسەلەلەرى بويىنشا سك-فارماتسيانىڭ بايلانىس ورتالىعىنا حابارلاسا الادى, قالالىق جانە ۇيالى تەلەفوندار ءۇشىن قولجەتىمدى. بارلىق قوڭىراۋلار تەگىن.
بايلانىس ورتالىعىنىڭ وپەراتورلارى جۇگىنگەن پاتسيەنتتەرگە تەگىن ءارى قاجەتتى ءدارى-دارمەكتەردى جەتكىزۋ مەرزىمدەرى مەن كۇندەرى تۋرالى اقپارات بەرەدى.
