سولاردىڭ العاشقىسى – №81 Astana English school مامانداندىرىلعان گيمنازيا جانىنان قۇرىلعان قازاق ءتىلى باستاۋىش ۇيىمى.
بۇگىن قوعام مۇشەلەرى اتالعان ءبىلىم ورداسىنىڭ قازاق ءتىلى مەن ادەبيەتى ءپانى مۇعالىمدەرىمەن باس قوسىپ, انا ءتىلىمىزدىڭ قولدانۋ اياسىن كەڭەيتۋ, مارتەبەسىن بيىكتەتۋ, قوعامدا ءتىلدى ۇيرەنۋگە دەگەن قىزىعۋشىلىقتى ارتتىرۋ ىسىندەگى ناقتى ماسەلەلەردى تالقىلادى. الەمدە تارالۋ بويىنشا ءبىرىنشى ورىندا تۇرعان اعىلشىن ءتىلىنىڭ مۇعالىمدەرى دە قازاق ءتىلىن دامىتۋعا, كەلەشەكتە قولدانىس اياسىن كەڭەيتۋگە جانە تانىمالدىعىن ارتتىرۋ بويىنشا ۇسىنىستارىن جەتكىزدى.
جيىنعا قاتىسقان قوعامنىڭ استانالىق فيليالى توراعاسىنىڭ ورىنباسارى لاريسا الدابەرگەن باستاۋىش ۇيىمدى قۇرۋدا تاڭداۋ نەلىكتەن اتالعان گيمنازياعا تۇسكەنىن ايتتى.
«№81 Astana English school مامانداندىرىلعان گيمنازيا ءتىل ۇيرەتۋ ىسىندە باي تاجىريبەگە يە بەلسەندى ۇجىم. بۇگىن مەكتەپتىڭ قازاق ءتىلىن وسكەلەڭ ۇرپاق بويىنا سىڭىرۋگە, انا ءتىلىنىڭ تانىمالدىعىن اعىلشىن ءتىلى دەڭگەيىنە كوتەرۋگە ءىس جۇزىندە ارەكەت ەتىپ جاتقانىنا كوزىمىز جەتىپ وتىر. ۇسىنىسىمىزعا قولداۋ بىلدىرگەن گيمنازيا ديرەكتورى گۇلنار دىنقۋاتقىزى مەن ۇجىمدى مەكتەپتىڭ حالىقارالىق ستاتۋس الۋىمەن قۇتتىقتايمىن», دەدى لاريسا الدابەرگەن.
سونداي-اق, ول وسى فورماتتاعى باسقوسۋلار قازاق ءتىلى مۇعالىمدەرىنىڭ ءتىلدى مەڭگەرتۋگە دەگەن قۇلشىنىسىن ارتتىراتىنىن جانە انا ءتىلىن دارىپتەۋگە, جارنامالاۋعا, مارتەبەسىن ارتتىرۋ مەن قوردالانعان ماسەلەلەردى شەشۋ ءۇشىن كلۋب قۇرىپ, ايىنا ءبىر رەت باسقوسۋ وتكىزۋدىڭ ماڭىزدىلىعىن اتاپ ءوتتى.
جيىن قورىتىندىسىندا باستاۋىش ۇيىمنىڭ 10 مۇشەسى بەكىتىلىپ, الداعى 9 ايدا اتقارىلاتىن جۇمىستار ناتيجەسىندە (مەكتەپتە ەكسپەريمەنت جاساپ كورىپ) ارنايى جوبالار جاساۋعا شەشىم قابىلداندى.
«حالىقارالىق «قازاق ءتىلى» قوعامى» قوعامدىق بىرلەستىگى - قازاقستان رەسپۋبليكاسىنىڭ مەملەكەتتىك ءتىلى – قازاق ءتىلىنىڭ قوعامنىڭ بارلىق سالاسىندا قولدانىلۋىنا, دامۋىنا ىنتالى, ەلىمىزدە جانە شەتەلدەردە تۇراتىن ازاماتتاردىڭ باسىن بىرىكتىرەتىن ەرىكتى ۇيىمعا مۇشە بولعانىما وتە قۋانىشتىمىن! العا قويعان ماقساتىمىزعا جەتۋگە اتسالىسىپ, ءتىلىمىزدىڭ مەرەيىن اسقاقتاتا بەرەيىك!», دەيدى №81 Astana English school مامانداندىرىلعان گيمنازياسىنىڭ مۇعالىمى ينديرا دارابايقىزى.
