ءبىر عانا مىسال, بۇل ىسپەن 20 جىلدان بەرى اينالىسىپ كەلە جاتقان اۋىل تۇرعىنى ماحات اۋەشوۆ 20 سوتتىق جىلىجاي اۋماعىندا راۋشان, السترومەريا, حريزانتەما سىندى سۇرىپتى گۇلدەردى وسىرۋدە. «گۇل كوشەتتەرىن ءوسىرۋدىڭ وزىندىك قيىندىقتارى بار. ەگىلگەن گۇلدى ءار 10-15 كۇن سايىن سۋارىپ تۇرۋ كەرەك. جىلىجايداعى قالىپتى تەمپەراتۋرا 10-15 گرادۋس جىلىلىقتا بولۋى شارت. ال ناۋرىز ايىنىڭ باسىنان باستاپ ساباعىنان قىرقىلعان گۇلدەر ساتىلىمعا شىعارىلا باستايدى. مەرەكە سايىن كورشىلەر مەن اعايىن-تۋىسقا ءوز اۋلامىزدا وسكەن گۇلدەردى سىيعا تارتامىز. بۇل كەز كەلگەن جاننىڭ كوڭىلىنە ەرەكشە قۋانىش سىيلايتىنى انىق», دەيدى كاسىپكەر. بۇگىندە كاسىپكەردىڭ گۇلدەرىنە سۇرانىس جوعارى. اسىرەسە شىمكەنت, الماتى, نۇر-سۇلتان قالالارىنان ارنايى تاپسىرىس بەرۋشىلەردىڭ قاتارى قالىڭ.
ال اۋدانداعى جەمىستى اۋىلى تۇرعىندارىنىڭ باسىم بولىگى ۇيىرگەلىك جەردە اعاش كوشەتتەرىن وندىرۋمەن اينالىسادى. شاعىن اۋىلدا الما, المۇرت, ورىك, شابدالى, شيە, الحورى جانە ساندىك اعاشتاردىڭ بىرنەشە ءتۇرىن وسىرۋگە باسىمدىق بەرىلگەن. نەگىزىنەن جىلىنا 300 مىڭ شاماسىندا كوشەت وندىرىلۋدە, سۇرانىس جوعارى. كوشەتتەر رەسپۋبليكا ايماعىنا ارنايى تاپسىرىسپەن تاسىمالدانۋدا.
تۇركىستان وبلىسى
