قالا حالقى 11 355,8 مىڭ (59,4%) ادامدى, اۋىل حالقى 7 769,8 مىڭ (40,6%) ادامدى قۇرايدى.
رەسپۋبليكا حالقىنىڭ تابيعي ءوسىمى 2021 جىلى 2020 جىلمەن سالىستىرعاندا (263,0 مىڭ ادام) 1,6%-عا ارتىپ, 267,3 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 تۇرعىنعا شاققاندا 13,88 ادامدى قۇرادى.
احات ورگاندارىنىڭ دەرەكتەرى بويىنشا 2021 جىلى تۋىلعاندار سانى 450,7 مىڭ ادامدى قۇرادى, بۇل 2020 جىلدىڭ سايكەس كەزەڭىنە قاراعاندا 5,9%-عا ارتىق (425,6 مىڭ ادام).
بۇل رەتتە قايتىس بولعانداردىڭ سانى 183,4 مىڭ ادامدى قۇرادى, بۇل 2020 جىلعى قاڭتار-جەلتوقسانعا قاراعاندا (162,6 مىڭ ادام) 12,8%-عا ارتىق. ءولىمنىڭ جالپى كوەففيتسيەنتى 1000 ادامعا شاققاندا 9,53 ءولىمدى قۇرادى.
وتكەن جىلى ەلىمىزدە ءبىر جاسقا دەيىنگى 3763 ءسابيدىڭ ءولىمى تىركەلدى. وتكەن جىلدىڭ سايكەس كەزەڭىمەن سالىستىرعاندا (3315 ءسابيدىڭ شەتىنەۋى) بالا ءولىمى 13,5%-عا ارتتى.
