شارت ەكى مەملەكەت اراسىنداعى اسكەري ىنتىماقتاستىقتى جانداندىرادى. اسكەري ىنتىماقتاستىق مىنا باعىتتار بويىنشا داميدى:
اسكەرلەردى (كۇشتەردى) قولدانۋدى بىرلەسىپ جوسپارلاۋ;
وڭىرلىك قاۋىپسىزدىككە تونەتىن سىن-قاتەرلەر مەن قاۋىپتەرگە قارسى ارەكەت ەتۋ;
جەدەل جانە جاۋىنگەرلىك دايىندىق;
اسكەري ءبىلىم جانە عىلىم;
بىتىمگەرشىلىك قىزمەت جانە باسقالار.
شارتتى ءۇش جىلدىق كەزەڭگە ارنالعان اسكەري سالاداعى ستراتەگيالىق ارىپتەستىك باعدارلاماسىنا سايكەس جۇزەگە اسىرۋ جوسپارلانعان. قۇجاتتا حالىقارالىق اسكەري ىنتىماقتاستىققا جاۋاپ بەرەتىن قورعانىس ۆەدومستۆولارى باسشىلارىنىڭ ورىنباسارلارى جەتەكشىلىك ەتەتىن كونسۋلتاتسيالار فورماسىندا تاراپتاردىڭ قورعانىس ساياساتىن ۇيلەستىرۋ بويىنشا ءوزارا ءىس-قيمىل جاساۋ تەتىگى كوزدەلگەن.
شارت قانداي دا ءبىر باسقا مەملەكەتتەرگە قارسى باعىتتالماعان. شارتتى راتيفيكاتسيالاۋ ەكى مەملەكەتتىڭ قورعانىس قابىلەتىن نىعايتۋ, قازىرگى زامانعى سىن-قاتەرلەرگە قارسى تۇرۋ بويىنشا ۇيلەسىمدى ارەكەت ەتۋ باعىتىندا بىرلەسىپ جۇمىس ىستەۋگە قوسىمشا سەرپىن بەرەدى. ايتا كەتەرى, بۇل شارت بۇعان دەيىنگى كەلىسىمدەردىڭ زاڭدى جالعاسى.
قازاقستان مەن رف اراسىنداعى دوستىق, ىنتىماقتاستىق جانە ءوزارا كومەك تۋرالى وسى تەكتەس شارتقا 1992 جىلدىڭ 25 مامىرىندا قول قويىلعان بولاتىن. كەيىن 2013 جىلعى 11 قاراشادا جاڭادان شارت قابىلداندى. ال بۇگىن راتيفيكاتسيالانعان شارتقا 2020 جىلى 16 قازاندا نۇر-سۇلتان قالاسىندا قول قويىلدى.
