اتالعان الەۋمەتتىك جوبا ينتەرنەتكە تاۋەلدىلىك, قۇمار ويىندار, بالالار مەن جاستار اراسىنداعى كيبەربۋللينگ سياقتى ءۇش ماڭىزدى ماسەلەنىڭ الدىن الۋعا باعىتتالعان. ساراپشىلار توبىنىڭ قۇرامىنا بىلىكتى پسيحولوگتار, زاڭگەرلەر مەن الەۋمەتتانۋشىلار كىردى. ولاردىڭ بارلىعى الەۋمەتتىك جوبانىڭ تاقىرىبىن زەرتتەۋمەن اينالىسقان ماماندار.
ء«بىز وسى تاقىرىپقا بەي-جاي قارامايتىن بەلسەندى بالالار قاۋىمداستىعىن قۇردىق. ولار ارنايى وقىتۋدان ءوتىپ, قازىر الەۋمەتتىك جەلىلەردى پايدالانۋ ارقىلى مونيتورينگ جۇرگىزۋدە», دەيدى «جاس ۇلان» ۇكىمەتتىك ەمەس ۇيىمىنىڭ باسشىسى دينارا سادۋاقاسوۆا.
جوبانىڭ تاعى ءبىر باعىتى – قۇمار ويىندارعا دەگەن تاۋەلدىلىكتىڭ الدىن الۋ. وعان قۇمار ويىندارعا دەگەن قۇمارلىق سەزىم مەن كومپيۋتەرلىك ويىندارعا دەگەن پاتولوگيالىق تارتىمدىلىق ءتان.
جوبا اياسىندا قوعامدىق بىرلەستىك قىسقامەتراجدى فيلمدەر بايقاۋىن دا وتكىزدى.
تۇتاستاي العاندا, جوبانى ىسكە اسىرۋ كەزەڭىندە ەلىمىزدىڭ 17 ءوڭىرىنىڭ مىڭنان استام جاس ازاماتى ينتەرنەت-تاۋەلدىلىكتىڭ, كيبەربۋللينگ پەن قۇمار ويىندارعا تاۋەلدىلىكتىڭ الدىن الۋ بويىنشا وقىتۋدان ءوتتى.
قازاقستاننىڭ بارلىق وڭىرلەرىندە قۇمار ويىندارعا دەگەن تاۋەلدىلىك پەن كيبەربۋللينگتىڭ الدىن الۋ ماقساتىندا Telegram-ارنالار ىسكە قوسىلىپ, 74 سايت بۇعاتتاۋعا ۇسىنىلدى.
