ءباسپاسوز قىزمەتىنىڭ حابارلاۋىنشا, اۋديتورلىق ۇيىمدار ءوز قىزمەتتەرىن كورسەتە وتىرىپ, كليەنتتەردىڭ جۇمىسىنداعى ولقىلىقتى انىقتاۋ ءۇشىن ولاردىڭ قارجى قىزمەتىن تەكسەرەدى, سالىق سالۋ, كاسىپورىننىڭ ەسەپ ساياساتى جانە باسقا دا ماسەلەلەر بويىنشا كەڭەس بەرەدى.
سونىمەن قاتار ولار كولەڭكەلى سحەمالاردىڭ, اتاپ ايتقاندا سالىق سالۋدان جالتارۋ, بيۋدجەت قاراجاتىن جىمقىرۋ, اقشا قاراجاتىن زاڭسىز شىعارۋ جانە وففشورعا اۋدارۋ سياقتى نەمەسە وزگە دە بەلگىلەرىن ۋاقتىلى انىقتاي الادى.
وسىعان بايلانىستى اۋديتورلىق ۇيىمدار قارجى مونيتورينگى سۋبەكتىلەرىنىڭ تىزبەسىنە ەنگىزىلگەن, ولارعا كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىل تۋرالى زاڭنىڭ بارلىق تالابى قولدانىلادى. قازاقستاندا 484 اۋديتورلىق ۇيىم جۇمىس ىستەيدى, ونىڭ ىشىندە 418-ءى عانا قارجىلىق مونيتورينگ اگەنتتىگىنىڭ قارجى وپەراتسيالارى تۋرالى دەرەكتەر جيناۋ جۇيەسىندە تىركەلگەن.
اگەنتتىكتىڭ دەرەكتەر جيناۋ جۇيەسىندە تىركەلگەندەردىڭ ىشىنەن از عانا بولىگى شەكتى جانە كۇدىكتى وپەراتسيالار تۋرالى حابارلاما جىبەرەدى. اگەنتتىك ءوز كەزەگىندە جوعارىدا كورسەتىلگەن مالىمەتتى كەيىننەن تەكسەرۋ جانە قاجەتتى شارالار قابىلداۋ ءۇشىن اۋديتورلىق ۇيىمداردىڭ رەتتەۋشىسى – ىشكى مەملەكەتتىك اۋديت كوميتەتىنە جىبەرەدى.
تەكسەرۋ قورىتىندىسى بويىنشا كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىل تۋرالى زاڭنىڭ تالاپتارىن ساقتاماۋ فاكتىلەرىن انىقتاۋ وسىنداي اۋديتورلىق كومپانيالاردىڭ ىسكەرلىك بەدەلىنە زور نۇسقان كەلتىرەدى.
«اگەنتتىك كريمينالدى اقشانى زاڭداستىرۋعا قارسى ءىس-قيمىل جاساۋدا اۋديتورلىق ۇيىمدارمەن ديالوگ قۇرۋعا دايىن.
اۋديتورلار ىنتىماقتاستىق, زاڭناما جانە باسقا دا ماسەلەلەر بويىنشا سۇراقتار تۋىنداعان جاعدايدا اۋديتورلىق ۇيىمدارمەن ءوزارا ءىس-قيمىل جاساۋ جونىندەگى كۋراتور ايجان ماراتوۆاعا 8 776 009 49 40 ءنومىرى ارقىلى ءاردايىم ءوتiنiش بىلدiرە الادى», دەلىنگەن اگەنتتىك تاراتقان اقپاراتتا.
