7 قاڭتاردا «قازاقستان رەسپۋبليكاسى تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى» №81-VII قازاقستان رەسپۋبليكاسىنىڭ زاڭى قابىلداندى.
راقىمشىلىق – بۇل گۋمانيزم اكتىسى, زاڭدى بۇزعان ازاماتتارعا قاتىستى مەملەكەتتىڭ ىزگى نيەتىنىڭ كورىنىسى. راقىمشىلىق – جاسالعان ارەكەتتىڭ اۋىرلىعىن ەسكەرە وتىرىپ, ارداگەرلەرگە, كامەلەتكە تولماعاندارعا, ەگدە جاستاعى ازاماتتارعا, I, II توپتاعى مۇگەدەكتەرگە جانە ازاماتتار مەن مەملەكەتتىڭ قاۋىپسىزدىگىنە ەلەۋلى قاتەر توندىرمەيتىن باسقا دا ادامدارعا قاتىستى سارالانىپ قولدانىلادى.
تەرروريستىك جانە ەكسترەميستىك قىلمىستار جاساعان سوتتالعاندار راقىمشىلىق جاساۋعا جاتپايدى.
وسىلايشا, سولتۇستىك قازاقستان وبلىسى بويىنشا 405 سوتتالعانعا راقىمشىلىق جاساۋ قولدانىلدى, ونىڭ ىشىندە سقو بويىنشا قاج دەپارتامەنتىنىڭ پەتروپاۆل قالالىق پروباتسيا قىزمەتى بولىمىندە ەسەپتە تۇرعان 159 ادامعا راقىمشىلىق جاسالدى (تولىق بوساتىلعان – 59, نەگىزگى جازا مەرزىمى قىسقارتىلعان – 100).
قازىرگى ۋاقىتتا پەتروپاۆل قالالىق پروباتسيا قىزمەتكەرلەرى راقىمشىلىق بويىنشا 51 ادامدى ەسەپتەن شىعاردى, 64 سوتتالعانعا مەرزىمدەرىن قىسقارتتى.
الداعى ۋاقىتتا سقو بويىنشا قاج دەپارتامەنتىنىڭ پەتروپاۆل قالالىق پقب قىزمەتكەرلەرى وسى باعىتتاعى جۇمىستى جالعاستىراتىن بولادى.
