«جالپى, 2022 جىلعا ءبىز ىشكى نارىقتا شامامەن 17,9 ملن توننا قايتا وڭدەۋدى جوسپارلادىق. ءبىز بيىل قازاقستاندا ججم ايتارلىقتاي تاپشىلىعىن كۇتپەيمىز», دەدى ەنەرگەتيكا ءمينيسترى بولات اقشولاقوۆ.
الايدا, ونىڭ ايتۋىنشا, مۇناي وڭدەۋ زاۋىتتارىنىڭ جوسپارلانباعان اپاتتىق جاعدايلارىندا قازاقستاننىڭ رەسەيدەن قاجەتتى جانار-جاعارماي الۋعا مۇمكىندىگى بار.
مينيستر وتكەن جىلعى يمپورت قازاقستان اۋماعىنداعى وتىننىڭ ۇلكەن تاپشىلىعىنا بايلانىستى بولعانىن ەسكە سالدى.
«بۇدان بۇرىن, 2012, 2013, 2014 جىلدارى جاڭعىرتۋ اياقتالعانعا دەيىن ءبىز شامامەن 1 ملن توننا بەنزين, 400 مىڭ تونناعا جۋىق ديزەل وتىنى مەن شامامەن 300 توننادان استام اۆياتسيالىق كەروسين اكەلدىك. سول كەزدە ەلىمىزدە وتىن تاپشىلىعى بولعانىن ەسكەرگەن ءجون. زاۋىتتاردى جاڭعىرتقاننان كەيىن, بۇگىندە ءبىز بەنزين, ديزەل وتىنىن, كەيدە, نەگىزىنەن, قىسقى ديزەل وتىنىن اكەلمەيمىز. وكىنىشكە قاراي, بىز اۆياكەروسيندى جەتكىلىكتى مولشەردە شىعارمايمىز. ىشكى تۇتىنۋ ءۇشىن ءبىز وندىرگەن وتىن جەتكىلىكتى, الايدا, ءارتۇرلى شەتەلدىك اۆياكومپانيالاردىڭ جۇك جانە جولاۋشىلار ۇشاقتارىنا اۆياكەروسين جەتىسپەيدى», دەپ ناقتىلادى قر ەنەرگەتيكا مينيسترلىگىنىڭ باسشىسى.
