وبلىس مەكتەپتەرىندە بالالار مەن اتا-انالارعا قاۋىپتى ىندەتتىڭ الدىن الۋدىڭ جالعىز جولى ۆاكتسينا قابىلداۋ ەكەنىن ءتۇسىندىرۋ جۇمىستارى ءالى دە ءجۇرىپ جاتىر. بۇل ماسەلە توڭىرەگىندە بۇعان دەيىن ونلاين رەجىمدە دارىگەرلەر, ۇستازدار مەن اتا-انالار قاتىسقان بىرنەشە رەت جالپى مەكتەپارالىق جينالىستار وتكەن. قازىر سانيتارلىق-ەپيدەميالىق دارىگەرلەر جەكە-جەكە ءبىلىم وشاقتارىنا ارنايى بارىپ, اتا-انالارعا ۆاكتسينا قابىلداۋدىڭ ماڭىزى مەن ونىڭ پايداسى, ارتىقشىلىقتارى تۋرالى تۇسىندىرۋدە. مۇنداي جۇمىستار ناتيجەسىز ەمەس, ءاۋ باستا ەكپەدەن ءۇزىلدى-كەسىلدى باس تارتقان اتا-انالاردىڭ ءبىرازى ءمان-جايدى ەندى تۇسىنە باستاعان. ماسەلەن, تاياۋدا قوستانايداعى №115 مەكتەپتە اتا-انالارىنىڭ قاتىسۋىمەن ون شاقتى وقۋشى ۆاكتسينا قابىلدادى.
– بۇگىن بىزدە 12 اتا-انا بالالارىنا Comirnaty Pfizer ۆاكتسيناسىن ەكتىرۋ تۋرالى ءوتىنىش ءبىلدىردى. وقۋشىلار ەكپەنى مەكتەپ قابىرعاسىندا, ارنايى ەگۋ بولمەسىندە الىپ جاتىر. بۇعان دەيىن 11 بالاعا ەگىلدى. جالپى, جىل باسىنان بەرى 19 وقۋشى كوروناۆيرۋسپەن اۋىرىپ شىقتى. جۇقپالى دەرتتىڭ جولىن كەسۋ ءۇشىن بىزگە ۇجىمدىق يممۋنيتەت قالىپتاستىرۋ قاجەت. مۇنى اتا-انالاردىڭ دا تۇسىنە باستاعانى قۋانتادى, – دەدى مەكتەپ مەدبيكەسى گۇلبانۋ جۇماباەۆا.
ۆاكتسينا الىپ شىققان 11 سىنىپ وقۋشىسى ءامينا بازارباەۆا قاسىنا اناسىن ەرتىپ كەلىپتى.
– قازىر قالادا تۇماۋ ءورشىپ تۇر. اينالامىزداعى تۋىستارىمىز, كورشى-قولاڭ, تانىستارىمىزدىڭ ءبارى
اۋىرىپ شىقتى. سوندىقتان ءوزىمىز اقىلداسىپ, ۆاكتسينا قابىلداۋ كەرەك دەپ شەشتىك. جولداسىمىز ەكەۋىمىز ەكپەنىڭ ءۇش كومپونەنتىن الدىق. قىزىم بيىل 11 سىنىپتى بىتىرگەلى وتىر. ۆاكتسينا بالاعا دا ارتىق ەتپەيدى. قايتا پايداسى تيەدى. بىرىنشىدەن يممۋنيتەت قالىپتاستىرادى. بۇل سۇمدىق اۋرۋدى تەك ۆاكتسينا ارقىلى جەڭىپ شىعامىز, – دەيدى ءامينانىڭ اناسى جاڭىلحان ءمۇسلىموۆا.
قوستاناي وبلىسى
