بريفينگ بارىسىندا ۇقشۇ قىزمەتىنىڭ 2021 جىلعى قورىتىندىسى شىعارىلدى. بىرلەسكەن ءىس-شارالاردا ۇقشۇ جاۋاپكەرشىلىك ايماعىنداعى داعدارىستىق جاعدايلارعا دەن قويۋ تەتىكتەرىن جەتىلدىرۋ بويىنشا دا, ولاردى شەشۋ ءۇشىن ۇيىمنىڭ اسكەرلەرىن قولدانۋ بويىنشا دا كەڭ اۋقىمدى مىندەتتەر پىسىقتالعانى اتاپ ءوتىلدى.
بۇدان باسقا, ۇلتتىق كونتينگەنتتەردىڭ ۇجىمدىق قاۋىپسىزدىككە تونەتىن قاتەرلەردى بەيتاراپتاندىرۋ جونىندەگى مىندەتتەردى بىرلەسىپ ورىنداۋعا دايىندىعى كورسەتىلدى.
2022 جىلعا ارنالعان جوسپارلاردا قازاقستان اۋماعىندا «ىزدەۋ-2022» بارلاۋ كۇشتەرى مەن قۇرالدارىمەن وقۋ-جاتتىعۋ وتكىزۋ, سونداي-اق «ەشەلون-2022» ماتەريالدىق-تەحنيكالىق قامتاماسىز ەتۋ كۇشتەرى مەن قۇرالدارىمەن ارنايى وقۋ-جاتتىعۋ, ۇجىمدىق قاۋىپسىزدىكتىڭ ورتالىق ازيا وڭىرىندەگى داعدارىستىق جاعدايدى رەتتەۋ جونىندەگى مىندەتتەردى پىسىقتاۋمەن ۇقشۇ جەدەل دەن قويۋ ۇجىمدىق كۇشتەرىمەن ء«وزارا ءىس-قيمىل-2022» كوماندالىق-شتابتىق وقۋ-جاتتىعۋ وتكىزىلەتىن بولادى.
