حعس-قا 67-ءشى نەگىزگى ەكسپەديتسياعا قاتىسۋشىلارىن جەتكىزەتىن «سويۋز مس-21» كەمەسى اۆتونومدى سىناقتاردان ءساتتى ءوتتى, سونداي-اق «سويۋز-2.1 ا» زىمىران تاسىعىشىنىڭ «پاكەتىن» (1 جانە 2 ساتى) مەحانيكالىق قۇراستىرۋ اياقتالدى.
جۇمىس اياقتالعاننان كەيىن كەمە پنەۆماتيكالىق ۆاكۋمدىق سىناقتارعا دايىندالۋ ءۇشىن جۇمىس ورنىنا ورناتىلدى. سونىمەن قاتار, يۋ. ا. گاگارين اتىنداعى عارىشكەرلەردى دايارلاۋ ورتالىعىندا حعس-67 نەگىزگى جانە قوسالقى ەكيپاجدارىنىڭ عارىشكەرلەرىنىڭ: روسكوسموس عارىشكەرلەرى ولەگ ارتەمەۆ, دەنيس ماتۆەەۆ, سەرگەي كورساكوۆ, سەرگەي پروكوپەۆ, دميتري پەتەلين جانە اننا كيكين سياقتى عارىشكەرلەرگە دەنساۋلىق جاعدايى بويىنشا عارىشتىق ۇشۋعا جارامدى دەپ تانىلعان باس مەديتسينالىق كوميسسيانىڭ وتىرىسى ءوتتى.
«سويۋز مس-21» كەمەسىنىڭ ەكيپاجىن رەسەي باتىرى, بايقوڭىر قالاسىنىڭ قۇرمەتتى ازاماتى ولەگ ارتەمەۆ باسقارادى. ول عارىشقا ءۇشىنشى رەت اتتانباق. دەنيس ماتۆەەۆ پەن سەرگەي كورساكوۆ ءۇشىن بۇل العاشقى ساپار.
«سويۋز مس-21» باسقارىلاتىن كورابلىمەن «سويۋز-2.1 ا» زىمىران تاسىعىشىن حعس باعدارلاماسى بويىنشا ۇشىرۋ 18 ناۋرىزدا نۇر-سۇلتان ۋاقىتى بويىنشا ساعات 21:55-تە بايقوڭىر عارىش ايلاعىنىڭ «ۆوستوك» (№31 الاڭ) ۇشىرۋ كەشەنىنەن جوسپارلانىپ وتىر.
