«سارىارقا» جەڭىسكە جەتتى

قاراعاندىنىڭ «سارىارقا» حوككەي كلۋبى جوعارعى حوككەي ليگاسىنىڭ 1/4 فينالىندا كراسنوداردىڭ «كۋبان» كومانداسىن 6:3 ەسەبىمەن ۇتتى. بۇل تۋرالى قازاقستان حوككەي فەدەراتسياسى حابارلادى. كەزدەسۋدە  «سارىارقانىڭ» قۇرامىنداعى ۆلاديسلاۆ لۋچكين ءۇش شايبا سوقتى. ال  دميتري سامارين, كونستانتين ماكاروۆ پەن كيريلل لەبەدەۆ ءبىر-ءبىر شايبانىڭ اۆتورى اتاندى. بۇل – قاراعاندى كومانداسىنىڭ ءوز الاڭىنداعى ەكىنشى جەڭىسى. وسىنىڭ الدىندا الاڭ يەلەرى «كۋباندى» 5:3 ەسەبىمەن جەڭگەن بولاتىن. جوعارعى حوككەي ليگاسىنىڭ 1/4 فينالىندا تاعى التى كوماندا كۇش سىناسۋدا. ولاردىڭ ءبارى دە ەكى ويىندارىن وتكىزدى. كەشە «توروس» «بۋراندى» 3:2, «ديزەل» «ءرۋبيندى» 3:1 ەسەبىمەن ۇتسا, «يۋجنىي ۋرال» «مولوت-پريكامەنى» 4:1 ەسەبىمەن جەڭدى. ءسويتىپ, «سارىارقادان» باسقالارىنىڭ ءبارى جالپى ەسەپتە قارسىلاستارىمەن 1:1 ەسەبىمەن تەڭەستى. ال «سارىارقا» كراسنوداردىڭ كومانداسىن ەكى كەزدەسۋدە ۇتىپ, ازىرشە 2:0 ەسەبىمەن الدا كەلەدى. ەندى اتالعان كلۋبتاردىڭ كەلەسى كەزدەسۋلەرى كراسنوداردا 22-23 ناۋرىز كۇندەرى وتەدى. داستان كەنجالين. دەرەككوز: www.vhl.ru.ru فوتو: www.vhl.ru.ru