قىزىلوردا: بيىل اعاش وتىرعىزۋ تاعى جالعاسىن تاپتى

قىزىلوردا قالاسىندا بيىل اعاش وتىرعىزۋ تاعى جالعاسىن تاپتى. بۇل تۋرالى قالالىق ىشكى ساياسات ءبولىمىنىڭ باسشىسى بالدىرعان مامەن حابارلادى. قىزىلوردا قالالىق ىشكى ساياسات ءبولىمىنىڭ ۇيىمداستىرۋىمەن «اعاش ەك, گۇل ەك, تۋعان جەردى تۇلەت» شاراسى وتكىزىلدى. يگى ىسكە قالا اكىمى نۇرلىبەك نالىباەۆ, وبلىستىق ءماسليحات حاتشىسى بەكمىرزا ەلامانوۆ جانە قالالىق ءماسليحات حاتشىسى يبادۋللا قۇتتىقوجاەۆ, سونداي-اق ارداگەرلەر, باتىر انالار, ۇكىمەتتىك ەمەس ۇيىمدار مەن جاستار ۇيىمدارىنىڭ جەتەكشىلەرى ونىڭ بەلسەندى مۇشەلەرى, ساياسي پارتيا فيليالدارىنىڭ جەتەكشىلەرى قاتىستى. بۇل شارانى وتكىزۋدەگى نەگىزگى ماقسات – اتا-بابامىزدان كەلە جاتقان اعاش وتىرعىزۋ ءىسىن ودان ءارى جالعاستىرۋ. وسى ناۋرىز مەرەكەسى قارساڭىندا «تاعزىم الاڭى» ماڭىنا دا جاڭا كوشەتتەر وتىرعىزىلدى. كوپتى كورگەن قاريالار بۇل ءىستى ۇيىمداستىرعان جاستارعا باتاسىن بەرىپ, ريزاشىلىعىن ءبىلدىردى. قالا اكىمى نۇرلىبەك نالىباەۆتىڭ مالىمدەۋىنشە, بيىل «تاعزىم الاڭىنا كۇردەلى جوندەۋ جۇمىستارى جۇرگىزىلۋدە. جالپى, قالانىڭ كوركەيتۋ-كوگالداندىرۋ, اباتتاندىرۋ جانە تازالىق جۇمىستارىنا 2 ملرد. 676 ملن. تەڭگە ءبولۋ قاراستىرىلعان. ءامىرحان الماعانبەتوۆ. دەرەككوز: قىزىلوردا قالالىق ىشكى ساياسات ءبولىمى. فوتو: قىزىلوردا قالالىق ىشكى ساياسات ءبولىمى.