باسەكەلەستىك جاعدايىن تالداۋ ناتيجەلەرى بويىنشا «سۇيىتىلعان مۇناي گازىن ساقتاۋ پاركى» جشس اتىراۋ وبلىسىنىڭ گەوگرافيالىق شەكارالارىندا سۇيىتىلعان مۇناي گازىن قايتالاما-كوتەرمە ساۋدادا وتكىزۋ نارىعىندا ۇستەم جاعدايعا يە ەكەندىگى انىقتالدى.
سونىمەن قاتار اتىراۋ وبلىسى بويىنشا ەكونوميكالىق تەرگەۋ دەپارتامەنتى اتالعان گاز جەلىسى ۇيىمىنىڭ قىزمەتىنە تەكسەرۋ جۇرگىزدى, وعان ءوڭىردىڭ مونوپولياعا قارسى دەپارتامەنتىنىڭ مامانى قاتىستى. تەكسەرۋ ناتيجەلەرى بويىنشا 2019-2021 جىلدارى مونوپوليالىق جوعارى باعالاردى بەلگىلەۋ بولىگىندە مونوپوليالىق جاعدايدى تەرىس پايدالانۋ بەلگىلەرى انىقتالدى.
«تەكسەرۋ ناتيجەلەرى نەگىزىندە اتىراۋ وبلىسى بويىنشا ەكونوميكالىق تەرگەۋ دەپارتامەنتى «سۇيىتىلعان مۇناي گازىن ساقتاۋ پاركى» جشس-نە قاتىستى قىلمىستىق ءىس قوزعادى, مەملەكەت بيۋدجەتىنە مونوپوليالىق كىرىستى الۋ بويىنشا جۇمىستار جۇرگىزىلۋدە», دەپ جازادى قر باسەكەلەستىكتى قورعاۋ جانە دامىتۋ اگەنتتىگىنىڭ ءباسپاسوز قىزمەتى.
بۇل رەتتە مونوپولياعا قارسى دەپارتامەنت «سۇيىتىلعان مۇناي گازىن ساقتاۋ پاركى» جشس-عا قاتىستى تەرگەۋدى جالعاستىرۋدا, تەرگەۋ باراسىندا 2017-2021 جىلدارداعى قىزمەت تەكسەرىلەدى.
